«Изге Яҙма тотош Алла тарафынан рухландырылған» (2 Тимофейға 3:16, «Инжил. Изге Яҙманы тәржемә итеү институты»).

Һеҙ үҙегеҙҙе борсоған һорауҙарға яуап табырһығыҙ (Ғибрәтле һүҙҙәр 2:1—5).

Көндәлек тормошоғоҙға ҡағылышлы ышаныслы кәңәштәр алырһығыҙ (Зәбур 119:105).

Киләсәккә ышаныслы өмөт бирә (Римдарға 15:4).

Эйе. Түбәндә быға кәмендә өс сәбәп килтерелә:

• Эстәлегенең ғәжәйеп берҙәмлеге. Изге Яҙма китабы 1600 йылдан ашыу ваҡыт дауамында яҙылған. Уны төрлө осорҙа йәшәгән 40 тирәһе кеше яҙған. Уларҙың күбеһе бер-береһе менән хатта таныш та булмаған. Шулай ҙа бөтә китап буйынса ҡыҙыл еп булып бер төп тема үтә!

• Яҙыусыларҙың намыҫлы булыуы. Тарихсылар йыш ҡына үҙ халҡының еңелеүҙәре хаҡындағы хәбәрҙәрҙе төшөрөп ҡалдыра. Изге Яҙманы яҙыусылар иһә асыҡтан-асыҡ үҙҙәренең етешһеҙлектәре һәм үҙ халҡының хаталары тураһында яҙған (2 Йылъяҙма 36:15, 16; Зәбур 51:1—4).

• Пәйғәмбәрлектәрҙең теүәл үтәлеүе. Изге Яҙмала боронғо Вавилон ҡалаһының емереләсәге хаҡында яҡынса 200 йыл алдан әйтелгән булған (Ишағыя 13:17—22). Пәйғәмбәрлектә Вавилондың нисек яулап алынасағы ғына түгел, ә яулап аласаҡ батшаның исеме лә яҙылған булған! (Ишағыя 45:1—3).

  Изге Яҙмалағы башҡа күп кенә пәйғәмбәрлектәр ҙә бөтә нескәлектәренә тиклем үтәлгән. Алла Һүҙендәге пәйғәмбәрлектәр тап шундай булырға тейеш тә! (2 Петр 1:21).