NGANDAK bikristen i nyoñ makidik le i mbégés bé Kristak. Lelaa ba ntehe makidik ma? Baa ba nôgda le ba nimis ngim yom? Baa bon bap ba nôgda la ba nles ngim jam? Di béñge i yom Mbôgi Yéhôva, mu ngim biloñ bi nkoñ ’isi, i nhoñol mu jam li.

Me bé ke ndik nyoo i kel Kristak tole Pasa. Ndi to i ngéda me bé ke nyoo, mahoñol mem ma bé bé yak Yésu Kristô. Nano me mbégés ha bé Kristak, ndi me nke makoda ngélé iba hiki sonde, me niiga bôt bape i yom Bibel i nkal inyu Yésu!”—EVE, ÔSTRÉLIA.

Me ngwés i ngéda ba mpuhe me hala! Yak me me ngwés me nti bôt bape bicarte ni bititii me ñôt inyule hala a nkôha bo maséé.”—REUBEN, IRLAND I ÑO MBOK.

Ngim mangéda di nkena bo mbônji, gâteau, tole loñge likebla li li nlédés bo. Loñge jam i yé le di nla ke i tehe bo to imbe ngéda hiki nwii.”—EMILY, ÔSTRÉLIA.

Kiki di mbem bé mangand ma tôbôtôbô, ma nwii, inyu ba ni bo, mut nye ki nye a bé tééñga bé bés; bôt bés ba mahaa ba bé yi le di nyuuga bo inyule di ngwés bo.”—WENDY, BIÔN BI NGAN.

Me bi nigil mbônga u Bibel inyu bôt ba binam; hala a bi hôgbaha me. Me nyi le bon bem ba ga bana niñ ilam i dilo di nlo.”—SANDRA, PANYA.