“Tɔmbu . . . ba koo se gɔrin di.”—Gɔrobun kookoosu 24:15.

Kaa n dam mɔ sanam mɛ wunɛn kĩnasi ba gu.—2 Korinti 1:3, 4.

Ya koo nun yara gɔɔn bɛrum di.—Heberu 2:15.

Kaa n maa yĩiyɔ geebu mɔ, ma kaa wure a n wã sannu ka wunɛn kĩnasi be ba gu.—Yohanu 5:28, 29.

Oo! Gãa dabinun saabu, yen ita wee:

• Gusunɔwa sãa wãarun Taka Kowo. Bibeli ya Yehofa Gusunɔ soku “wãarun nuuru.” (Womusu 36:10; Gɔrobun kookoosu 17:24, 25) Wi, wi u hunde koniba kpuro wãaru wɛ̃, u ǹ kpanamɔ u be ba gu wesiama wãaru sɔɔ.

• Gusunɔ u raa yellu tɔmbu seeya gɔrin di. Bibeli raa tɔmbu nɔba itan gari gerua—aruwaasi, wɔndia, tɔkɔbu, tɔn durɔbu ka tɔn kurɔbu, be ba raa seeya gɔrin di ma ba wurama wãarɔ tem sɔɔ. Gaba raa gu ya n tɛ ba ka be seeya, adama ben turo u sɔ̃ɔ nnɛ kua sikurɔ! —Yohanu 11:39-44

• Gusunɔ u kĩru mɔ u ka kpam ye ko. Yehofa u gɔɔ tusa; u wi mɛɛrawa nge wɛrɔ. (1 Korinti 15:26) U “bɛkɛ barɔ” u ka wɛrɔ wi kamia, u gɔɔ kpeerasia saa gɔribu seeyabun di. U sɛ̃nde, u ka be u yaaye seeya gɔrin di kpa u be wa bu kpam wãaru di temɔ.—Yoobu 14:14, 15.