“Apusan ni Debata ma nasa ilu-ilu sian mata ni nasida. Dang adong be hamatean nang arsak ni roha, nang angguk-angguk, nang na haccit, dang disi be.”​—Pangungkapon 21:3, 4.

Alani janji i . . .

Gabe pos ma rohatta dang Debata na mambahen akka hasusaan.​—Jakobus 1:13.

Gabe dame ma tahilala ala taboto diattusi Debata do arsak ni rohatta.​—Sakaria 2:8.

Gabe pos ma rohatta na lao salpu sude hasusaan di ari na naeng ro.​—Psalmen 37:9-11.

Adong dua alasanna:

• Dang lomo roha ni Debata mangida halak susa jala molo dibahen na so adil tu nasida. Taingot ma songon dia perasaan ni Jahowa tikki dibahen na kejam tu bangsona. Didok di Bibel asi do roha ni Debata ala “disiksa jala dibahen na haccit tu nasida”.—Panguhum 2:18.

  Sogo do roha ni Debata mangida halak na mambahen na haccit tu donganna. Didok di Bibel, magigi do Debata mangida manang ise na “mambunu halak na so marsala”.​—Poda 6:16, 17.

• Diparrohahon Debata do na masa tu setiap halak. Dang holan hita sandiri na makkilala ‘sitaononta dohot hasusaatta’ alai dohot do Jahowa makkilala sitaononta i!—2 Kronika 6:29, 30.

  Satokkin nai mamaretta nama Harajaon ni Debata tu tano on. Dung ro Harajaon i, dang adong be hasusaan. (Mateus 6:9, 10) Alai saonari pe, diurupi Debata do akka halak na marsitutu mangalului Ibana asa toktong setia.​—Ulaon ni Apostel 17:27; 2 Korint 1:3, 4.