Aha do na Lao Masa tu Portibi on di Ari na Naeng Ro?

PANGOLU

Menurut hamu, situasitta on . . .

torus do songon saonari?
lam susa do?
manang lam denggan?

ON MA DIDOK BIBEL

“Apusan ni Debata ma nasa ilu-ilu sian mata ni nasida. Dang adong be hamatean nang arsak ni roha, nang angguk-angguk, nang na haccit, dang disi be. Ai nungnga salpu na parjolo i.”—Pangungkapon 21:3, 4.

AHA DO MANFAATNA TU HAMU?

Molo dung saut janji i . . .

Tahilala ma las ni roha jala puas ma hita tu hasil ni karejotta.—Jesaya 65:21-23.

Dang adong be sahit jala dang adong be na mambahen susa.—Jesaya 25:8; 33:24.

Marlas ni roha ma hita salelengna rap dohot keluarga nang akka dongan.—Psalmen 37:11, 29.

BOASA BOI TAHAPORSEAI NA DIDOK BIBEL?

Adong dua alasanna:

Sanggup do Debata pasautton janjina. Di Bibel, holan Jahowa do didok “Debata Pargogo na So Hatudosan” ai dang taretong balga ni huasona. (Pangungkapon 15:3) Jadi sanggup do Debata menepati janjina lao mambahen denggan portibi on. Didok do di Bibel, “Dang adong na so tarbahen ni Debata.”—Mateus 19:26.
Lomo do roha ni Debata pasautton janjina. Didok di Bibel, lomo hian do roha ni Debata pahehehon halak naung mate.—Job 14:14, 15.

Didok do muse di Bibel, Jesus Anak ni Debata pe dipamalum do akka na marsahit. Boasa diulahon ibana i? Ala asi rohana mangida jolma. (Markus 1:40, 41) Songon Bapakna do Jesus i, lomo do rohana mangurupi sude jolma.—Johannes 14:9.

On paposson rohatta, lomo hian do roha ni Jahowa dohot Jesus mangurupi hita asa boi marlas ni roha di ari na naeng ro!—Psalmen 72:12-14; 145:16; 2 Petrus 3:9.

PIKKIRHON MA

Songon dia do cara ni Debata mambahen portibi on asa lam denggan?

Dipaboa Bibel do alusna di MATEUS 6:9, 10 dohot DANIEL 2:44.

Mungkin Lomo do Rohamuna Mamboto

JOUJOU PABOAHON

Na Didok Bibel Taringot Ari na Naeng Ro

Patogu ma pakkirimonmuna taringot janji ni Debata tu tano on di ari na naeng ro dohot akka halak na maringanan disi.

TOPIK NA ASING NA MENARIK

Harapan na Massai Denggan na Lao Saut di Ari na Naeng Ro

Boasa beda janji na adong di Bibel tu janji manang ramalan na dibahen jolma?

AJARAN NI BIBEL NA PENTING

Aha do Harajaon ni Debata I?

Tikki di tano on Jesus, taringot Harajaon ni Debata do na paling sering dipaboa ibana. Saleleng marratus taon, sai ditangiakkon akka halak do asa ro Harajaon ni Debata.