“Tikki mandele au, diapuli Jahowa do au marhite ende JW Broadcasting^®.”—Si Lorraine, Amerika Serikat.

Bagian sian ibadatta do mangendehon “ende puji-pujian”. (Kol. 3:16) Bermanfaat hian do molo nungnga jolo dihapal hamu lirik ni akka endetta sian nasa roha. Tarlumobi tikki dang adong bukku endemuna manang perangkat elektronikmuna. On ma piga-piga cara asa boi hamu menghapal lirik ni akka endetta i.

• Rimangi ma lapatan ni akka endetta. Ummura do hita mangingot sada informasi molo nungnga takkas taboto lapatanna. Boi do taida lirik ni akka endetta di jw.org termasuk ma i lirik ni akka ende JW Broadcasting dohot ende tu dakdanak. Bukka hamu ma bagian Perpustakaan, dung i ida ma bagian Ende.

• Suratton ma lirik ni akka ende i di sada catatan. Molo taulahon i, gabe ummura ma hita mangingot lirikna.—5 Mus. 17:18.

• Marlatik ma. Bahen ma tarbege soaramuna tikki marlatik manjaha manang mangendehon akka ende i.

• Uji ma ingatanmuna. Coba ma hapal lirik ni akka ende i alai unang mangida catatanmuna. Dung i bereng ma catatanmuna i lao mangida pas do na dihapalmuna i manang na daong.