•  Hata Pamukka 2

•  Arta na Arga na Adong di Bibel 3-5

  •  Jamita 3

  •  Arta na Adong di Bibel 4

  •  Manjaha Bibel 5

•  Marsitutu ma Hamu di Ulaon Marbarita 6-14

  •  Mamulai Pakkataion 7

  •  Manjuppangi Muse 8

  •  Mambahen Sisean 9

  •  Paboahon Haporseaon 10

  •  Jamita 11

  •  Petunjuk 12

  •  Latar Adegan 13

  •  Mamakke Video Dohot Akka Publikasi 14

•  Hangoluan ni Halak Kristen 15-16

  •  Parsiajaran Bibel Huria 16

•  Hata Panutup 17

•  Pujian Dohot Poda 18

•  Waktu 19

•  Kunjungan Pengawas Wilayah 20

•  Pekan Parpunguan Wilayah Dohot Regional 21

•  Pekan Parningotan Ari Hamamate ni Jesus 22

•  Pengawas Parpunguan Hangoluan dohot Pangkobasion 23

•  Ketua Parpunguan Hangoluan dohot Pangkobasion 24

•  Penasehat Ekstra 25

•  Ruang Tambahan 26

•  Video 27

1. Marguna do akka petunjuk na adong di dokumen on tu sude na mandapot tugas di parpunguan Hangoluan dohot Pangkobasion ni Halak Kristen. Sebelum diparade nasida tugas ni nasida, ikkon jolo dijaha do petunjuk na adong di Hangoluan dohot Pangkobasion Na Laho Diparsiajari dohot petunjuk na adong di dokumen on. Boi do sude penyiar mandapot tugas di parpunguan on. Jala boi do tong dohot akka parsiajar Bibel naung ringgas marpungu. Alai ikkon jolo porsea do nasida tu prinsip na adong di Bibel jala diulahon di ngoluna. Asing ni i, ikkon jolo dibahas Pengawas Parpunguan Hangoluan dohot Pangkobasion do akka persyaratanna dohot ibana, asa boi ibana mandapot tugas di parpunguan on. Jala ikkon rap dohot guru studina do on dibahas (manang rap dohot natua-tuana, molo Saksi Jahowa natua-tuana). Dung i ikkon dipaboa pengawas i ma tu ibana, memenuhi persyaratan do ibana manang na dang. Sarupa do tong persyaratanna molo naeng gabe penyiar na so tardidi sasahalak.—od-IN bab 8 par. 8.

2. Samenit. Ganup minggu, dung sae marende dohot tangiang pamukka, dipaboa ketua ma akka na lao diulas di parpunguan on. Ketua ikkon berfokus tu parsiajaran na boi didapot akka dongan di huria.

 3. Jamita: Sappulu menit. Judul dohot bahanna marisi dua manang tolu hatorangan na adong di Hangoluan dohot Pangkobasion Na Laho Diparsiajari. Jamita on dipasahat sahalak sintua manang parhobas na malo mangajari. Molo panjahaion Bibel di minggu i nungnga masuk tu bukku na baru, adong do video na lao ditonton na marisi hatorangan taringot bukku i. Boi do dipaboa parjamita hubungan ni video i tu jamitana. Alai, ikkon dipasahat ibana do sude hatorangan naung diparade di bahan i. Jala molo adong dope tikki, ikkon dipakke ibana do akka gambar na adong. Akka gambar i melengkapi rangka ni jamita i. Boi do dipakke manang dibuat ibana referensi na asing sian na tercetak asal ma adong hubunganna tu rangka.

 4. Arta na Adong di Bibel: Sappulu menit. Akka sukkun-sukkun di bagian on boi dialusi akka dongan. Dang pola adong hata pamukka manang hata panutup dison. Bagian on dipasahat sahalak sintua manang parhobas na malo mangajari. Ikkon disukkun do dua sukkun-sukkun na adong disi. Jala ibana do na manottuhon porlu do manang na dang dijaha ayat na adong disi. Akka na mangalehon komentar ikkon mangalehon komentarna saleleng 30 detik manang hurang.

 5. Manjaha Bibel: Opat menit. Holan tu bawa do tugas on dilehon. Jala dang pola adong hata pamukka manang hata panutup di tugas on. Dung sae donganta i pasahatton bagianna, dipaboa ketua i ma taringot naung diulahon donganta i. Uppamana, taringot mamparrohahon tanda baca, mangattusi bahan na lao dijaha, mangatur soara, manottuhon di bagian na dia ibana mambahen jeda, takkas manjahahon bagian na rikkot, jala asa unang songon na dibahen-bahen cara ni ibana manjaha. Ala ayat na dijaha adong na ganjang manang adong na pendek, jadi pengawas ni Hangoluan dohot Pangkobasion ikkon mangalehon tugas sesuai tu kemampuan ni dongan na mandapot tugas.

6. Sappulu lima menit. Tujuan ni bagian on lao mangurupi sude penyiar asa lam denggan di ulaon marbarita dohot mangajari. Akka sintua pe boi do mandapot tugas on. Ikkon diihutton siswa do nasehat na ditugasson tu nasida na dibuat sian brosur Mangajari manang brosur Haholongi ma Akka Halak. Sipata dibahen do di bagian on pembahasan tanya jawab. Bagian on dipasahat sahalak sintua manang parhobas na malo mangajari.—Ida ma  paragraf 15 taringot boha carana memandu bagian pembahasan tanya jawab.

 7. Mamulai Pakkataion: Boi do tugas on dilehon tu bawa manang borua. Boi do lawan jenis patner ni nasida, asal ma keluargana sandiri. Boi do nasida hundul manang jongjong tikki pasahatton bagian on.—Asa diboto hamu hatorangan taringot petunjuk dohot latar adegan tu bagian on, ida ma  paragraf 12 dohot  13.

 8. Manjuppangi Muse: Boi do tugas on dilehon tu bawa manang borua. Molo bawa na mandapot tugas, ikkon bawa do patnerna. Molo borua na mandapot tugas, ikkon borua do patnerna. (km-IN 5/97 hlm. 2) Boi do nasida hundul manang jongjong tikki pasahatton bagian on. Bagian on patuduhon songon dia carana parbarita melanjutton pakkataion na sebelumna.—Asa diboto hamu hatorangan taringot petunjuk dohot latar adegan tu bagian on, ida ma  paragraf 12 dohot  13.

 9. Mambahen Sisean: Boi do tugas on dilehon tu bawa manang borua. Molo bawa na mandapot tugas, ikkon bawa do patnerna. Molo borua na mandapot tugas, ikkon borua do patnerna. (km-IN 5/97 hlm. 2) Boi do nasida hundul manang jongjong tikki pasahatton bagian on. Bagian on patuduhon parsiajaran Bibel naung dimulai. Dang porlu adong hata pamukka manang hata panutup, kecuali memang i nasehat na ditugasson. Jala dang ikkon dijaha sude bahan parsiajaran Bibel i.

 10. Paboahon Haporseaon: Molo bagian on dibahen gabe jamita, ikkon tu bawa do tugas on dilehon. Alai molo bagian on dibahen gabe pertunjukan, boi do tugas on dilehon tu bawa manang borua. Boi do lawan jenis patner ni nasida, asal ma keluargana sandiri. Ikkon takkas do na mamboan tugas on mangalusi sukkun-sukkun mamakke referensi na diparade jala ikkon marbisuk do ibana mangalusi. Saleleng pasahatton bagian on, ibana ma na mamutusson porlu do dipaboa ibana bahan ni tugasna i manang na dang.

 11. Jamita: Tugas on dilehon tu akka bawa jala ikkon songon pasahatton jamita tu huria do bagian on dibahen ibana. Molo sian lampiran A brosur Haholongi ma Akka Halak do bahanna, ikkon dipatorang ibana do carana mamakke akka ayat na adong disi tikki marbarita. Contohna, boi do dipatorang ibana andigan do ayat i dipakke, aha do lapatan ni ayat i, jala boha do cara mamakke ayat i lao martukkar pikkiran dohot sasahalak. Alai molo sian sada parsiajaran di brosur Haholongi ma Akka Halak do bahanna, ikkon dipatorang ibana do songon dia carana mamakke parsiajaran i tikki marbarita. Boi do dipatorang ibana ise na gabe sitiruon na adong di nomor 1 ganup parsiajaran. Molo porlu, boi do dipatorang ibana boha carana menerappon akka ayat na adong di parsiajaran i.

   12. Petunjuk: Hatorangan na dipaboa di paragraf on dohot di paragraf mangihut dipakke tu bagian “Mamulai Pakkataion” dohot “Manjuppangi Muse”. Molo dang adong dipaboa petunjuk tambahan di bagian i, ikkon berupaya do siswa paboahon sada topik sian Bibel na menarik tu parjabu. Jala ikkon ditinggalhon ibana do sukkun-sukkun manang topik na lao dibahas tikki manjuppangi muse. Boi do dipakke ibana sada publikasi manang video sian Akka Alat Lao Mangajari. Porlu diingot siswa, dang na lao menghapal pertunjukan i tujuan ni bagian on. Alai asa lam denggan do ibana tikki marbarita. Contohna asa boi ibana patuduhon minat pribadi jala asa wajar ibana tikki makkata-hatai.

   13. Latar Adegan: Ikkon diihutton siswa do latar adegan naung ditottuhon. Contohna:

1.  (1) Sian Jabu tu Jabu: Dipakke do on tikki adegan marbarita secara fisik, marhite telepon manang mamakke surat. Jala dipakke do on tikki adegan manjuppangi muse halak na dikabari sian jabu tu jabu.

2.  (2) Kesaksian Tidak Resmi: Mangalului dalan asa boi mangalehon kesaksian tikki makkata-hatai tu sasahalak. Termasuk ma i paboahon hasittongan tu tetangga, tu akka halak di tempat karejomuna, di sikkola, di angkutan umum, dohot manang didia pe.

3.  (3) Di Tempat Umum: Termasuk ma on manjaga rak beroda, marbarita di daerah bisnis, di dalan, di taman, di tempat parkir, dohot manang didia pe.

 14. Mamakke Video Dohot Akka Publikasi: Boi do dilehon siswa publikasi manang dipatudu ibana video. Molo ditugasson do ibana mamutar video, ikkon dipatudu jala dibahas ibana do video i alai unang pola diputarhon.

15. Bagian on lelengna 15 menit. Dung sae marende, adong sada manang dua bagian na lao manjujui hita asa mangulahon Hata ni Debata. Bagian on dipasahat akka sintua manang parhobas na malo mangajari. Alai bagian na rikkot di hita, holan akka sintua do na boi pasahatton i. Molo siulason do bagian i, boi do dibahen pemandu sukkun-sukkun tambahan asing ni sukkun-sukkun na tercetak. Alai unang ma paganjangku kata pengantarna, asa cukkup waktuna lao mambahas parsiajaran na rikkot jala godang kesempatan tu hadirin lao mangalehon komentar. Molo adong wawancara di bagian i, tumagon do di jolo partisipan i diwawancarai sian apala di kursina.

  16. Parsiajaran Bibel Huria: Tolu pulu menit. Bagian on dipasahat sintua na malo mangajari. (Molo otik do sintua di huria i, boi do bagian on dipasahat sahalak parhobas na malo mangajari.) Akka sintua do na manottuhon ise na cocok lao manguluhon Parsiajaran Bibel Huria. Akka naung dipillit ikkon denggan manguluhon parsiajaran on. Misalna, ikkon diparrohahon do asa unang lewat waktu, ikkon takkas dibahen ibana akka ayat na rikkot, jala ikkon marsitutu do ibana asa takkas diattusi akka na ro parsiajaran sian bahan i. Porlu do diparsiajari ibana tudu-tudu taringot cara memandu bagian tanya-jawab. (w23.04 hlm. 24, kotak) Molo nungnga takkas diulas bahan na diparsiajari di minggu i, unang pola rarat pembahasanmuna. Molo boi, margatti-gatti ma na manguluhon dohot na manjaha parsiajaran on ganup minggu. Molo dipangido ketua asa dipahatop sae parsiajaran on, na manguluhon i do na manottuhon songon dia carana. Uppamana, boi do dang pola dijaha piga-piga paragraf.

17. Tolu menit. Di bagian on, dipaboa ketua ma akka aha naung diparsiajari di parpunguan i. Jala ikkon dipaboa ibana do aha na lao diulas di minggu na ro. Molo adong dope tikki, boi do dipaboa ibana goar ni akka dongan na mandapot tugas siswa di minggu na ro. Asing ni i, boi do dipasahat ibana akka boa-boa na rikkot jala manjahahon surat na rikkot tu huria. Alai, molo boa-boa taringot ulaon marbarita dohot jadwal pembersihan, dang boi dipasahat ibana i sian jolo. Di papan pengumuman ma dibahen boa-boa sisongon i. Molo ganjang do boa-boa dohot surat na lao dijahahon, boi do dipangido ketua tu akka dongan na pasahatton bagian di Hangoluan ni Halak Kristen asa dipahatop bagian ni nasida. (Ida ma  paragraf 16 dohot  19.) Dung sae sude, marende ma jala martangiang.

18. Dung sae donganta pasahatton bagianna di tugas siswa, dipuji ketua ma ibana jala dilehon ma poda mangihutton nasehat na ditugasson. Lelengna hira-hira samenit. Tikki paboahon ise na lao pasahatton tugas, dang porlu dipaboa ketua nomor piga pokok nasehat na lao diulahon donganta i. Alai dung sae donganta i pasahatton bagianna, boi ma dipaboa ketua songon dia donganta i nungnga mangulahon pokok nasehat na dilehon tu ibana. Jala puji ma ibana. Ikkon lambok do ketua paboahon boasa ikkon marsitutu donganta i mangulahon pokok nasehat i jala songon dia carana mangulahon i. Molo adong na denggan sian presentasi i jala boi gabe sitiruon, ikkon dipaboa ketua do i tu akka na ro. Dung sae parpunguan manang di tikki na asing, boi do muse dilehon ketua poda tu donganta na mandapot tugas siswa i. Boi do ketua mangalehon poda taringot pokok nasehat na diulahon donganta i manang pokok nasehat na asing sian brosur Haholongi ma Akka Halak, brosur Mangajari, manang sian bukku Sekolah Pelayanan.—Lao mamboto taringot tugas ni ketua parpunguan Hangoluan dohot Pangkobasion dohot tugas ni penasehat ekstra, ida ma  paragraf 19,  24, dohot  25.

19. Unang adong bagian na lewat waktu, termasuk ma akka komentar ni ketua di parpunguan. Nungnga ditottuhon sadia leleng tikki ni tiap bagian. Alani i, unang ma pola dipaganjang-ganjang be tikkina molo nungnga dibahas sude bahanna i nang pe adong dope sisa waktuna. Jala molo adong bagian na lewat waktu, porlu do Ketua Parpunguan Hangoluan dohot Pangkobasion manang penasehat ekstra mangalehon poda tu donganta i. (Ida  paragraf 24 dohot  25.) Alana dang boi lobi sian sajom 45 menit leleng ni parpunguan on, termasuk marende dohot martangiang.

20. Tikki kunjungan pengawas wilayah, acara parpunguan mangihutton jadwal di Hangoluan dohot Pangkobasion Na Laho Diparsiajari. Alai, Parsiajaran Bibel Huria di bagian Hangoluan ni Halak Kristen digatti gabe khotbah dinas na dipasahat pengawas wilayah saleleng 30 menit. Andorang so dipasahat khotbah dinas, ikkon dipaboa ketua do parsiajaran na rikkot na didapot sian parpunguan i, paboahon aha na lao diulas di minggu na ro, pasahatton boa-boa jala manjahahon surat na porlu tu huria. Dung i, baru pe dipaboa ketua judul ni khotbah dinas. Dung sae khotbah dinas, pengawas wilayah do na manutup parpunguan i jala mamillit ende nomor piga na lao diendehon. Boi do donganta bawa na asing na pasahatton tangiang panutup. Saleleng kunjungan pengawas wilayah, dang dipakke ruang tambahan. Molo adong kelompok di huria i, boi do nasida toktong mambahen parpunguan saleleng kunjungan pengawas wilayah. Alai, ikkon marpungu do nasida dohot huria i tikki dipasahat pengawas wilayah khotbah dinas.

21. Tikki pekan parpunguan wilayah dohot regional, dang adong parpunguan dibahen. Jadi ikkon dipaingot do akka dongan asa mambahas bahan na lao diulas di minggu i, tikki pelajaran pribadi manang pelajaran keluarga.

22. Molo dang ari Sabtu manang Minggu Ari Parningotan i, dang adong Parpunguan Hangoluan dohot Pangkobasion di minggu i.

23. Ikkon ditottuhon akka sintua do ise sian nasida na gabe pengawas Parpunguan Hangoluan dohot Pangkobasion. Martanggung jawab do pengawas on mamastihon asa denggan parpunguan on diulahon jala mangihutton akka tudu-tudu on. Ikkon kerja sama do ibana dohot penasehat ekstra. Molo nungnga adong Hangoluan dohot Pangkobasion Na Laho Diparsiajari, boi ma pittor dibahen pengawas Parpunguan Hangoluan dohot Pangkobasion akka ise do na lao mandapot tugas tu dua bulan na mangihut. Termasuk ma i mambahen daftar ni akka siswa dohot akka donganta na lao mandapot tugas. (Ida  paragraf 3-16 dohot  24.) Tikki mambahen daftar i, porlu do dipikkirhon pengawas i sadia umur ni siswa, pengalamanna, jala cocok do ibana pasahatton bagian i manang na daong. Songon i ma tong ikkon dibahen ibana tikki mambahen daftar ni akka dongan na lao mandapot tugas. Ikkon dilehon do daftar penugasan i tolu minggu andorang so diulahon tugas i. Molo tu akka siswa na mandapot tugas sikkola, ikkon dilehon do slip Tugas Perhimpunan Pelayanan dan Kehidupan Kristen (S-89-IN). Porlu do dipastihon pengawas Parpunguan Hangoluan dohot Pangkobasion asa hatop dibahen daftar penugasan i di papan pengumuman. Boi do sahalak sintua manang sahalak parhobas mangurupi pengawas Parpunguan Hangoluan dohot Pangkobasion. Alai holan sintua do na boi mambahen daftar penugasan tu akka donganta bawa na lao mandapot bagian di parpunguan i.

24. Ganup minggu, sahalak sintua ma na gabe ketua di parpunguan on. (Molo otik do sintua di huria i, boi do tugas i dilehon tu parhobas na malo mangajari.) Ibana do na paradehon hata pamukka dohot hata panutup. Asing ni i, ibana do na paboahon akka ise na dapot bagian. Alai molo otik do sintua di huria i, boi do muse ibana na pasahatton bagian na asing. Misalna, paboahon taringot video na lao diputar. Alai dang boi paganjangku dipaboa ibana taringot na lao dipasahat di bagian na mangihut. Akka sintua do na manottuhon ise sian nasida na boi gabe ketua di parpunguan on. Akka sintua naung dipillit gabe ketua, boi do margatti-gatti pasahatton bagian on. Molo boi, pengawas parpunguan on ma na jotjot gabe ketua di parpunguan on. Akka sintua naung dipillit lao manguluhon Parsiajaran Bibel Huria pe boi do gabe ketua. Porlu do ketua mamuji akka dongan na mandapot tugas siswa jala mangalehon poda molo porlu. Ikkon diparrohahon ketua do asa unang lewat waktu parpunguan on. (Ida ma  paragraf 17 dohot  19.) Molo siat do inganan di panggung, boi do dipangido ketua asa dibahen sada nai mikrofon, asa adong pakkeonna lao paboahon ise na pasahatton bagian na mangihut. Jadi donganta na lao pasahatton bagian na mangihut, nungnga boi jongjong di mikrofon utama. Tikki siswa pasahatton tugas panjahaion Bibel dohot bagian Marsitutu ma Hamu di Ulaon Marbarita, boi do ketua i hundul di panggung. Molo diulahon songon i, boi ma hemat waktu.

25. Molo boi, na gabe penasehat ekstra ikkon sintua na malo mangajari jala nungnga marpengalaman. Ibana do na mangalehon poda tu akka sintua dohot parhobas taringot tugas na dipasahat nasida. Uppamana, taringot akka tugas di Parpunguan Hangoluan dohot Pangkobasion, khotbah umum, dohot taringot manguluhon jala manjaha Parsiajaran Joujou Paboahon manang Parsiajaran Bibel Huria. (Ida  paragraf 19.) Molo adong piga-piga sintua na malo mangajari, boi do nasida margatti-gatti gabe penasehat ekstra ganup taon. Alai dang sai ikkon dilehon penasehat ekstra poda tu akka donganta na pasahatton bagian.

26. Molo godang do siswa di huria i, boi do dipakke ruang tambahan. Jala ikkon adong do sahalak sintua na gabe penasehat disi. Alai molo otik do sintua di huria i, boi do parhobas na malo mangajari dibahen gabe penasehat disi. Akka sintua do na manottuhon ise sian nasida na gabe penasehat. Nasida do muse na manottuhon porlu do tugas on margatti-gatti dibahen manang na dang. Penasehat ikkon mangihutton tudu-tudu di  paragraf 18. Molo adong na dapot tugas siswa di ruang tambahan, pangido ma asa masuk nasida tu ruangan i dung sae bagian Arta na Adong di Bibel. Jala ikkon kaluar do nasida sian ruangan i dung sae siswa parpudi pasahatton tugasna.

27. Godang do akka video na lao ditonton di parpunguan on. Akka video i boi tabuat manang tadownload di aplikasi JW Library®. Jala boi do i taida mamakke HP, tablet, manang perangkat elektronik na asing.

© 2023 Watch Tower Bible and Tract Society of Pennsylvania

S-38-BT 11/23