“Papahidon [nin Diyos] an lambang luha sa saindang mga mata, asin an kagadanan mawawara na. Dai na man magkakaigwa nin pagmundo, o nin pagtangis, o nin kulog. An mga dating bagay nakalihis na.”​—Kapahayagan 21:3, 4, Bagong Kinaban na Traduksiyon.

Magayon asin nakakaugmang trabaho.—Isaias 65:21-23.

Mayo nang ano man na hilang o pagsakit.—Isaias 25:8; 33:24.

Maugma asin daing katapusan na buhay kaiba kan pamilya asin mga amigo.—Salmo 37:11, 29.

Iyo, huli sa duwang panginot na dahilan:

• An Diyos may kakayahan na utubon an panuga niya. Sa Bibliya, an Diyos na Jehova inaapod na “an Makakamhan sa Gabos,” dahil daing limitasyon an kapangyarihan niya. (Kapahayagan 15:3) Huli kaiyan, kayang-kaya niyang utubon an saiyang pangako na baguhon an satong kinaban para magin mas marahay iyan. Arog kan sabi kan Bibliya, “sa Diyos an gabos na bagay posible.”—Mateo 19:26.

• An Diyos may pagmawot na utubon an panuga niya. Halimbawa, gustong-gusto ni Jehova na ibalik an buhay kan mga tawong nagadan.—Job 14:14, 15.

  Sinasabi man sa Bibliya na pinaumayan kan Aki nin Diyos na si Jesus an mga may hilang. Taano ta ginibo niya iyan? Dahil gusto niya. (Marcos 1:40, 41) Arog kan saiyang Ama, gustong-gusto ni Jesus na tabangan an mga nangangaipo.—Juan 14:9.

  Kaya, sigurado kita na parehong gusto ni Jehova asin ni Jesus na tabangan kitang magkamit nin maugmang buhay sa maabot na panahon!—Salmo 72:12-14; 145:16; 2 Pedro 3:9.