Bushe Cine Cine Abafwa Kuti Baba aba Mweo na Kabili?
Bushe kuti mwayasuka ukuti . . .
-
ee?
-
awe?
-
nalimo?
IFYO BAIBOLO ILANDA
“Kukaba ukubuuka.”—Imilimo 24:15, e fyo calembwa muli Baibolo Amalembo ya Calo Cipya.
IFYO MWINGANONKELAMO
Baibolo kuti yamusansamusha nga ca kuti balupwa ne fibusa bafwa.—2 Abena Korinti 1:3, 4.
Baibolo kuti yalenga mwaleka ukutiina imfwa.—AbaHebere 2:15.
Baibolo kuti yalenga mwakwata isubilo lyakwisaba pamo na balupwa ne fibusa abafwa.—Yohane 5:28, 29.
BUSHE KUTI TWACETEKELA IFYO BAIBOLO ILANDA?
Ee, kuti twacetekela ukuti abafwa bakaba aba mweo na kabili pa milandu iyi itatu:
-
Lesa e wabumbile ifya mweo. Baibolo ita Yehova Lesa ukuti “intulo ya mweo.” (Amalumbo 36:9; Imilimo 17:24, 25) Apo Lesa e wabumbile ifya mweo fyonse, te kuti afilwe ukulenga umuntu uwafwile ukuba umumi na kabili.
-
Kale Lesa alibuushishe abantu abafwile. Baibolo yalilanda pa bantunse 8 ababuushiwe, abaice, abakalamba, abaume e lyo na banakashi. Bamo babuushiwe ninshi tapalakokola ukutula apo bafwilile, lelo umo abuushiwe ninshi palipita ne nshiku shine!—Yohane 11:39-44.
-
Lesa alafwaisha ukubuusha abafwa na kabili. Yehova alipata imfwa ica kuti aimona ukuti mulwani. (1 Abena Korinti 15:26) Lesa ‘alafuluka’ ukucimfya ulya mulwani, e kuti ukufumyapo imfwa ilyo akabuusha abafwa. Alafwaisha ukubuusha bonse abo ebukisha kabili alafwaisha ukuti bakekale pe sonde na kabili.—Yobo 14:14, 15.
IFYA KULATONTONKAYAPO
Mulandu nshi tukotela no kufwa?
Baibolo ilasuka ici cipusho pa UKUTENDEKA 3:17-19 na pa ABENA ROMA 5:12.
Nalimo Kuti Mwatemwako ne fi
AMASAMBILISHO YA MU BAIBO AYACINDAMA
Bushe Abafwa Baba Shani?
Baibolo yalilaya ukuti abafwa abengi bali no kubuushiwa nga filya fine Lasaro ababuushiwe.
AMASUKO KU MEPUSHO YA MU BAIBOLO
Bushe Ukubuuka ku Bafwa Cinshi?
Mukapapa ukumona bamo abakabuuka ku bafwa.
ULUPUNGU LWA KWA KALINDA
Bushe Mwalishininkisha Ukuti Abafwa Bakabuuka?
Baibolo yalilanda pa fintu fibili ifingalenga twacetekela ukuti abafwa bakabuuka
PA NTE SHA KWA YEHOVA
Mulandu Nshi Mulingiile Ukusambilila Baibolo?
Mu Baibolo mwaliba ifyasuko ku mepusho yacindama ayo abantu abengi pano calo bakwata. Bushe na imwe kuti mwatemwa ukusanga amasuko ku mepusho mwakwata?
AMASAMBILISHO YA MU BAIBOLO
Tendekeni ukusambilila Baibolo ne Nte sha kwa Yehova
Tendekeni ukusambilila baibolo ne Nte sha kwa Yehova ukwabula ukulipila.
