Cinshi Cingalenga Ulupwa Luleba ne Nsansa?
Bushe muletontonkanya ukuti . . .
-
kutemwa?
-
ni ndalama?
-
fintu fye fimbi?
IFYO BAIBOLO ILANDA
“Abapaalwa ni abo abomfwa no kukonka icebo ca kwa Lesa!”—Luka 11:28, e fyo calembwa muli Baibolo Amalembo ya Calo Cipya.
IFYO MWINGANONKELAMO
Kuti mwaba no kutemwa kwa cine.—Abena Efese 5:28, 29.
Kuti mwaba na katiina.—Abena Efese 5:33.
Kuti mwacingililwa sana.—Marko 10:6-9.
BUSHE KUTI MWASUMINA IFYO BAIBOLO ILANDA?
Ee, pantu kwaliba ifintu fibili ifingalenga ukuti tusumine:
-
Lesa e wapangile ulupwa. Baibolo itila, ‘ulupwa lonse lwainikwa ishina’ kuli Yehova Lesa. (Abena Efese 3:14, 15) Aya mashiwi yalola mu kuti Yehova e wapangile ulupwa. Mulandu nshi twalandila ifi?
Natulangilile: Tutile muleipakisha ifya kulya ifisuma e lyo mulefwaya ukwishiba ifyo bacibikamo pa kwipika, ni bani mwingepusha? Ukwabula no kutwishika kuti mwaipusha abepike.
E fyo caba na pa kwishiba ifingalenga ulupwa ukuba ne nsansa. Apo Yehova e katendeka wa lupwa, e wingatweba ifingalenga ulupwa ukuba ne nsansa.—Ukutendeka 2:18-24.
-
Lesa alamusakamana. Aba mu lupwa kuti baba ne nsansa nga balekonka ifyo Yehova alanda mu Cebo cakwe Baibolo. Mulandu nshi? “Pantu asakamana imwe.” (1 Petro 5:6, 7) Yehova alimutemwa sana kabili ifyo amufunda kuti filemwafwa lyonse!—Amapinda 3:5, 6; Esaya 48:17, 18.
IFYO MULINGILE UKULATONTONKANYAPO
Bushe kuti mwaba shani abalume, abakashi, nelyo abafyashi abasuma?
Baibolo ilasuka ici cipusho pa ABENA EFESE 5:1, 2 na pa ABENA KOLOSE 3:18-21.
Nalimo Kuti Mwatemwako ne fi
LOLENI!
Ifyo Mwingaba na Mano Ayengalenga Mwaba ne Nsansa
Finshi abalume, abakashi, abafyashi e lyo na bana bengacita pa kuti mu lupwa muleba insansa?
AMASUKO KU MEPUSHO YA MU BAIBOLO
Finshi Baibolo Yalanda pa Cupo?
Amashinte ya mafunde kuti ya-afwa abaupana ukukanacita ifingalenga baba na mafya kabili kuti yabafwa ukwishiba ifya kucita nga baba na mafya.
AMASUKO KU MEPUSHO YA MU BAIBOLO
Bushe Baibolo Kuti Yalenga Naba ne Nsansa mu Cupo?
Ukufunda ukusuma ukwaba mu Baibolo kwalilenga abaume na banakashi abengi ukuba ne nsansa mu cupo.
LOLENI!
Ifingafwa Indupwa—Ukubombela Pamo
Bushe abena mwenu baba ngo muntu uo mwikala fye nankwe, lelo uo mushumfwana nankwe?
PA NTE SHA KWA YEHOVA
Mulandu Nshi Mulingiile Ukusambilila Baibolo?
Mu Baibolo mwaliba ifyasuko ku mepusho yacindama ayo abantu abengi pano calo bakwata. Bushe na imwe kuti mwatemwa ukusanga amasuko ku mepusho mwakwata?
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
