“Kporhu Iyẹn Nọ Maan!”
Asikoko Nọkhua Ọghe Avbe Osẹe Jehova Ọghe 2024
A i ya igho la owa • A i vbe miẹn ọmwa igho
Emwamwa Ne Kpataki Ni Rrọọ
Ẹdẹ Fraide: Ma gha guan kaẹn avbe osẹ ni rhie ẹre ma wẹẹ, ẹmwata ẹre ọ gele rre ebe enẹ ni ta okha ọghe Jesu. Ma gha vbe guan kaẹn ere ne ima gha miẹn vbọ.
Ẹdẹ Satọde: A gha zẹ ewanniẹn ye avbe inọta na: De ẹmwẹ akhasẹ na ta yotọ vbekpa ubiẹmwẹ e Jesu? De ẹmwẹ akhasẹ ọvbehe na vbe ta yotọ vbekpa re, vbe ọ ye rre ọvbokhan? Avbe ẹmwẹ akhasẹ na gele sunu ra?
Ẹdẹ Sọnde: Ma gha danmwehọ ọta nọ mwẹ uhunmwuta na, “Evbọzẹe Ne Ima I Na Mu Ohan Iyẹn Dan.” Ọta na gha ru iyobọ ne ima ya rẹn evbọzẹe ne emwa nibun na mwẹ agbẹkunsotọ, kevbe ne iran na vbe mwẹ ilẹkẹtin wẹẹ, emwi hia gha dunna, agharhemiẹn wẹẹ, te emwi ghi wa kulo yọ.
Ikueta
Okha Ọghe Ẹdagbọn E Jesu: Abọ 1
Ukpa Ọghe Ẹmwata Nọ Baa Yan Agbọn
Emwi ọyunnuan nibun wa sunu vbe ẹdagbọn e Jesu vbe ọ rre ọvbokhan. Sokpan, odẹ ọghe ọyunnuan na ya biẹ ọre keghi re nokaro vbọ. Evbibiẹ ọre keghi muẹn lẹẹ gha rrie Igipt, ne obọ ọba dan ghẹ vba ẹre. Vbe ọ ghi vbe waan nẹ kherhe, rhunmwuda irẹnmwi kevbe ẹwaẹn nọ rhie ma, egbe keghi wọọ avbe ọmamwaemwi ni rri egie ebe. Ma gha miẹn ena hia vbe vidio nọ mwẹ abọ eva ne ima khian ghee vbe ẹdẹ Fraide kevbe Satọde.
Ghee avbe vidio na, ni guan kaẹn asikoko nọkhua ọghe ukpo na
De Emwi Na Ru Vbe Asikoko Nọkhua Ọghe Ima?
Ghee vbene Avbe Osẹe Jehova ya do asikoko nọkhua ọghe iran hẹ.
Asikoko Nọkhua Ọghe Avbe Osẹe Jehova Ọghe 2024: “Kporhu Iyẹn Nọ Maan!”
Emwi na khian ruẹ vbe asikoko nọkhua ọghe ukpo na.
Abọ Ne Kuẹi Ọghe Ikueta Na: Okha Ọghe Ẹdagbọn E Jesu
Emwa nibun rẹn wẹẹ, odẹ ọghe ọyunnuan ẹre a ya biẹ e Jesu. Sokpan, de emwi ni sunu a ke biẹ ọre? De emwi ni ghi vbe sunu, vbe a ghi biẹ ọre nẹ?