De Emwi Nọ Khian Ye Ẹgbẹe Gha Mwẹ Oghọghọ?
Wẹ roro ẹre wẹẹ . . .
-
ahoẹmwọmwa nọ ra?
-
igho nọ ra?
-
emwi ọvbehe nọ ra?
EMWI NE BAIBOL KHARE
“Oghọghọ nọ ne iran ni họn ẹmwẹ ọghe Osanobua kevbe ni lelẹe!”—Luk 11:28, New World Translation.
ODẸ NẸ IYAYI NA KHIAN YA RU IYOBỌ NUẸ
Ahoẹmwọmwa nọ ke ekhọe rre. —Ẹfisọs 5:28, 29.
Ọghọ nọ sẹ otọ ẹko.—Ẹfisọs 5:33.
Agbẹkunsotọ ọghe ẹmwata. —Mak 10:6-9.
MA GHA SẸTIN GELE YAEYI EMWI NE BAIBOL KHARE RA?
Ẹẹn, rhunmwuda emwi eva:
-
Osanobua ẹre ọ muẹn gbọọ emwamwa ọghe ẹgbẹe. E Baibol khare wẹẹ, Osanobua ne Jehova ẹre ọ “he ẹgbẹe hia . . . eni.” (Ẹfisọs 3:14, 15) Ọni rhiema wẹẹ, e Jehova ẹre ọ muẹn gbọọ emwamwa ọghe ẹgbẹe. Vbọsiẹ ne ọni na mwẹ evbọ demu?
Roro ẹre ghee: Adeghẹ evbare na rhiẹnrhiẹn mu ruẹ ukpẹ, kevbe wẹẹ, u hoo ne u rẹn emwi na ya lẹe, de ọmwa ne u khian nọ? Ẹi khian gberra ọmwa nọ lẹe.
Erriọ vbe ye, obọ e Jehova, nọ muẹn gbọọ emwamwa ọghe ẹgbẹe, ẹre ima khian na miẹn otọre, emwi nọ ya ẹgbẹe mwẹ oghọghọ.—Gẹnẹsis 2:18-24.
-
Osanobua gbaroghe ruẹ. Ẹgbẹe gha wa miẹn ere vbọ, deghẹ iran na gha gualọ adia ọghe Jehova vbuwe Ẹmwẹ ọghẹe nọ re Baibol. Vbọsiẹ? “Rhunmwuda irẹn . . . gbaroghe ruẹ.” (1 Pita 5:6, 7) Umamwẹ ruẹ ẹre Jehova gualọ, kevbe wẹẹ te ibude ọghẹe wa deyọ!—Itan 3:5, 6; Aizaia 48:17, 18.
EMWI NỌ KHẸKE NE U MU RORO
De vbene u khian ya gha re ọdọ, amwẹ, ra evbibiẹ ọmọ nọ rẹn enegbe?
E Baibol rhie ewanniẹn ye inọta nii vbe ebe ẸFISỌS 5:1, 2 kevbe KỌLOSE 3:18-21.
You May Also Like
NỌ DEKAAN IMA
Vbọsiẹ na Gha na Ruẹ e Baibol?
E Baibol keghi ru iyobọ ne ẹbo emwa nibun vbo otagbọn hia, ya miẹn ewanniẹ ye avbe inọta ne kpataki nọ dekaẹn arrọọ. U hoo nọ vbe rhie ewanniẹ ye inọta ọghuẹ ra?
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
