Vbe Uwẹ A Roro Ighẹ Agbọn Na Khian Gha Ye Hẹ Vbe Odaro?
Te agbọn na khian . . .
-
gha ye vbenian khian ra?
-
rhia sayọ ra?
-
maan sayọ ra?
EMWI NE BAIBOL KHARE
“Osanobua . . . gha khiẹn ameve hia hin aro iran rre, uwu i khian ghi gha rrọọ, amaiwẹ akhiẹ ra eve ra obalọ gha ye gha rrọọ. Avbe emwi nẹdẹ gberra nẹ.”—Arhie Maan 21:3, 4, New World Translation.
ODẸ NẸ IYAYI NA KHIAN YA RU IYOBỌ NUẸ
Iwinna nọ maan kevbe ne ere ye.—Aizaia 65:21-23.
Ai ghi werriegbe miẹn emianmwẹ ra usẹ rhọkpa.—Aizaia 25:8; 33:24.
A ghi gu avbe ẹgbẹẹ kevbe avbe ọse gha rrọọ vbe oghọghọ vbe ẹdẹdẹmwẹdẹ.—Psalm 37:11, 29.
MA GHA SẸTIN GELE YAEYI EMWI NE BAIBOL KHARE RA?
Ẹẹn, rhunmwuda emwi eva:
-
Osanobua gha sẹtin mu eyan ọghẹe sẹ. Vbuwe Baibol, Osanobua ne Jehova ọkpa ẹre a tiẹre “Oghodua,” rhunmwuda, ẹtin ọghẹe i mwẹ eke nọ sẹ. (Arhie Maan 15:3) Rhunmwuda ọni, ọ gha sẹtin mu eyan ọghẹe sẹ wẹẹ, irẹn gha fi agbọn na werriẹ fẹfẹfẹ khian nọ maan sayọ. Zẹvbe ne Baibol khare, “ai miẹn emwi nẹi gie Osanobua ru.”—Matiu 19:26.
-
Osanobua keghi hoo nọ mu eyan rẹn sẹ. Vbe igiemwi, e Jehova keghi ‘hoo ẹgiẹgiẹ’ nọ werriegbe rhie arrọọ ne emwa ni wulo nẹ.—Job 14:14, 15.
E Baibol vbe rhiẹre ma wẹẹ, Jesu ne Ovbi Osanobua mu emwa ni khuọnmwi egbe rran. Vbọsiẹ ne ọ na ru ọni? Rhunmwuda ọ hoo nọ ru ẹre. (Mak 1:40, 41) Zẹvbe ne Erhae ye zẹẹ, erriọ e Jesu vbe hoo nọ ru iyobọ ne emwa ne usẹ sẹ.—Jọn 14:9.
Rhunmwuda ọni, ma gha sẹtin yaeyi wẹẹ e Jehova kevbe Jesu hoo ne ima sọyẹnmwẹ arrọọ vbe odaro!—Psalm 72:12-14; 145:16; 2 Pita 3:9.
EMWI NỌ KHẸKE NE U MU RORO
De vbene Osanobua khian ya fi agbọn na werriẹ hẹ do khian nọ maan sayọ?
E Baibol rhie ewanniẹn ye inọta nii vbe ebe MATIU 6:9, 10 kevbe DANIẸL 2:44.
You May Also Like
ESSENTIAL BIBLE TEACHINGS
De Emwi Ne Arriọba Osanobua Khin?
Arriọba Osanobua ẹre Jesu wa mobọ guan kaan vbe ọ rre uhunmwu otagbọn. Ke ẹghẹ nii gha dee, te erhuaengbe ẹre wa na erhunmwu ne Arriọba na rre.
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
