KALANSEN 53

Ɲɛnajɛw sugandi minnu ka di Jehova ye

A BILA A LA

Jehova ye “nisɔndiya Ala” ye. (1 Timote 1:11, NWT) A b’a fɛ an ka nisɔndiya ani ka an ka ɲɛnamaya diyabɔ. Jehova bɛ nisɔndiya k’a ye ko an bɛ baara bila waati dɔw kɔnɔ walasa ka an lafiɲɛ ani ka an ɲɛnajɛ. An bɛ se ka baara kɛ ni o waatiw ye cogo la min bɛ an nisɔndiya ani ka o kɛ cogo la fana min ka di Jehova ye. An bɛ se ka o kɛ cogo min na, an bɛna o ye nin kalansen in kɔnɔ.

1. An ka kan ka an hakili jagabɔ mun de kan fɔlɔ sani an ka ɲɛnajɛw sugandi?

A ka di i ye ka mun de kɛ walasa ka i yɛrɛ ɲɛnajɛ? A ka di dɔw ye ka u ka lafiɲɛ waati kɛ lafiya la u ka so kɔnɔ, ka gafe dɔ kalan, ka dɔnkiliw lamɛn, ka filimu filɛ, walima ka taa intɛrinɛti kan. A ka di dɔw ye ka farikolo ɲɛnajɛ kɛ ni u teriw ye, i n’a fɔ ka taa yaala-yaala, ka taa nɔni kɛ, walima ka balon tan. An diyanye ɲɛnajɛ mana kɛ fɛn o fɛn ye, an ka kan ka an jija an ka ɲɛnajɛ sugandilen ka ‘diya’ Matigi ye. (Efesekaw 5:10) A nafa ka bon an ka o faamu, bawo ɲɛnajɛ caman bɛ yen bi minnu bɛ fɛnw kan Jehova bɛ minnu koniya i n’a fɔ, farinya kow, jogojuguyakow cɛnimusoya ta fan fɛ, walima sitanɛkow. (Zaburu 11:5 kalan.) Mun de bɛ an dɛmɛ an k’an ka ɲɛnajɛw sugandi ni hakilitigiya ye?

Ni an ye teriw sugandi minnu bɛ Jehova kanu, olu bɛ se ka nɔ ɲuman bila an yɛrɛw ani an ka ɲɛnajɛ suganditaw la. Iko an y’a ye cogo min na kalansen 48nan na, “mɔgɔ min bɛ taama hakilitigiw fɛ, o na kɛ hakilitigi ye”. Nka ni an jɛɲɔgɔnw ye mɔgɔw ye Jehova ka sariyakolow ko man di minnu ye, an “na tɔɔrɔ sɔrɔ.”—Ntalenw 13:20.

2. Mun na a nafa ka bon an k’a jateminɛ an bɛ waati hakɛ min kɛ ɲɛnajɛ la?

Hali ni an ka ɲɛnajɛ sugandilen ye ɲɛnajɛ saniyalen ye, an ka an janto an kana waati ta kojugu o ɲɛnajɛ la. Bawo ni an ye waati ta kojugu ɲɛnajɛ la, an tɛna waati caman sɔrɔ fɛnw bɛɛ la nafamaw kɛli kama. Bibulu bɛ dusu don an kɔnɔ an “ka waati kunmabɔ”.—Efesekaw 5:15, 16 kalan.

DƆ FARA I KA DƆNNIYA KAN

An k’a lajɛ i bɛ se ka latigɛli ɲumanw kɛ cogo min na i ka ɲɛnajɛw ko ta fan fɛ.

3. I yɛrɛ tanga ɲɛnajɛ nɔgɔlenw ma

Mun na an ka kan ka an ka ɲɛnajɛw sugandi koɲuman? A’ye WIDEYO lajɛ, o kɔ aw ka baro kɛ nin ɲininkaliw kan:

WIDEYO: Ne ka kan ka ɲɛnajɛ sugu jumɛn de sugandi? (4:39)

Fɔlɔ-fɔlɔ Romɛ dugu la, Romɛkaw ka ɲɔgɔndan kɛlɛ dɔw bɔlen bɛ sisan ɲɛnajɛ dɔw fɛ sira jumɛnw fɛ?
Wideyo kɔnɔ, Danny ye mun de kalan ɲɛnajɛw ko la?

Romɛkaw 12:9 kalan, o kɔ aw ka baro kɛ nin ɲininkali kan:

Nin tɛmɛsira bɛ i dɛmɛ cogo di i ka ɲɛnajɛ bɛnnenw sugandi?

Jehova bɛ fɛn minnu koniya, olu dɔw ye jumɛnw ye? Ntalenw 6:16, 17 ani Galasikaw 5:19-21 kalan. O tɛmɛsira kelen-kelen bɛɛ kalannen kɔ, aw ka baro kɛ nin ɲininkali kan:

Fɛn minnu kofɔra o tɛmɛsiraw kɔnɔ, olu la jumɛnw de ka ca kosɛbɛ ɲɛnajɛw la bi?

Ɲɛnajɛw sugandili cogo ɲuman ni hakilitigiya ye

I yɛrɛ ɲininka:

Ne bɛna n’ɲɛnajɛ ni mun de ye? Jehova bɛ fɛn minnu koniya, yala olu dɔw b’a kɔnɔ wa?
Ne bɛna o ɲɛnajɛ kɛ tuma jumɛn? Yala o ɲɛnajɛ bɛna kow bɛɛ la nafama dɔw kɛli waati ta wa?
Ne bɛna o ɲɛnajɛ kɛ ni jɔni ye? Mɔgɔ minnu tɛ Jehova kanu, yala o ɲɛnajɛ bɛ ne gɛrɛ olu la kosɛbɛ tuma bɛɛ wa?

Hakilitigiyako don ka i mabɔ kosɛbɛ faratiko la ni o bɛ se ka kɛ. O de la, ni an sigara ko ɲɛnajɛ fɛn o fɛn man ɲi an ma, an ka kan ka an cɛ janya o ma

4. Baara kɛ ni i ka waati ye ni hakilitigiya ye

A’ye WIDEYO lajɛ, o kɔ aw ka baro kɛ nin ɲininkali kan:

WIDEYO: I bɛ se ka i ka waati kunmabɔ cogo jumɛn na? (2:45)

Balimakɛ min bɔra wideyo kɔnɔ, o tun tɛ ka fɛn kolonw lajɛ. Nka o bɛɛ n’a ta, a ka gɛlɛya tun ye jumɛn ye?

Filipekaw 1:10 kalan, o kɔ aw ka baro kɛ nin ɲininkali kan:

An bɛ se ka waati hakɛ min kɛ ɲɛnajɛ la, nin tɛmɛsira bɛ se ka an dɛmɛ cogo di o latigɛli la?

5. Ɲɛnajɛ saniyalenw sugandi

Hali ni ɲɛnajɛ dɔw man di Jehova ye, fɛn duman caman bɛ yen minnu ka di a ye. Waajulikɛla 8:15 ani Filipekaw 4:8 kalan, o kɔ aw ka baro kɛ nin ɲininkali kan: