Ala ka Masaya ye mun ye?
Yala i bɛn’a fɔ ko . . .
fɛn don min bɛ i dusukun na de wa?
kuma cogo dɔ de don wa?
sankolola gofɛrɛnɛman de don wa?
BIBULU BƐ NIN DE FƆ
“Sankolola Ala na masaya wɛrɛ lawuli. O tɛna se ka tiɲɛ.”—Daniɛl 2:44, Bible Senuma, 1996.
“Denkɛ dira an ma. Kuntigiya na da a kaman na.”—Esayi 9:5.
O KƆRƆ BƐ SE KA KƐ MIN YE E BOLO
O ye gofɛrɛnɛman tilennen ye i bɛ se ka nafa sɔrɔ min na.—Esayi 48:17, 18.
Diɲɛ kura nali, min kɔnɔna na ɲɛnamaya bɛna kɛ kɛnɛya dafalen ani nisɔndiya kɔnɔ.—Jirali 21:3, 4.
BIBULU BƐ MIN FƆ YALA AN BƐ SE KA DA O LA TIGITIGI WA?
Ɔwɔ, kun fila kosɔn:
Ala ka Masaya bɛna min kɛ Yesu ye o jira. Mɔgɔ minnu tugura Yesu kɔ a ye olu kalan u ka delili kɛ walasa Ala ka Masaya ka na ani a sago ka kɛ dugukolo bɛɛ kan. (Matiyu 6:9, 10) Yesu y’a jira o delili bɛna jaabi cogo min na.
K’a to dugukolo kan, Yesu ye kɔngɔtɔw balo, ka banabaatɔw kɛnɛya, ka mɔgɔ salenw segin ɲɛnamaya la! (Matiyu 15:29-38; Yuhana 11:38-44) Yesu min bɛna kɛ Ala ka Masaya masakɛ ye, kɔnna k’a jira o Masaya bɛna koɲuman minnu kɛ a ka mara denw ye.—Jirali 11:15.
Diɲɛ taabolo b’a jira ko Ala ka Masaya bɛna na sɔɔni. Yesu tun y’a fɔ ko sani Masaya in ka na ni hɛrɛ ye dugukolo kan, an ka diɲɛ na fa kɛlɛw, kɔngɔw, ani dugukolo yɛrɛyɛrɛw la.—Matiyu 24:3, 7.
Bi bi in na an ɲɛ bɛ o kow de la tigitigi. O la an bɛ se ka da a la ko Ala ka Masaya bɛna dan bila o ko suguw bɛɛ la sɔɔni.
I HAKILI JAGABƆ NIN KAN
Ɲɛnamaya bɛna kɛ cogo di Ala ka Masaya kɔnɔna na?
Bibulu bɛ nin ɲininkali jaabi di ZABURU 37:29 ani ESAYI 65:21-23 kɔnɔ.
Ninnu fana lajɛ
ESSENTIAL BIBLE TEACHINGS
Ala ka Masaya ye mun ye?
Yesu ka waajulibaara la, a ye mɔgɔw kalan Ala ka Masaya ko la ka tɛmɛn fɛn tɔw bɛɛ kan. San kɛmɛ caman kɔnɔna na, a nɔfɛmɔgɔw ye delili kɛ walasa o Masaya ka na.
ANW KO LA
Mun na an ka kan ka Bibulu kalan?
Bibulu bɛ ka ɲɛnamaya ɲininkaliw bɛɛ la nafamaw jaabiw di mɔgɔ miliyɔn caman ma diɲɛ fan bɛɛ la. Yala i b’a fɛ i ka kɛ o mɔgɔw cɛma wa?
BIBULU KALANSIRAW
An ka Bibulukalan sifilɛ k’a lajɛ
Bibulukalan min bɛ mɔgɔ nafa, o sɔrɔ fu la mɔgɔ dɔ fɛ min bɛ i kalan.
