Yali tɔɔrɔw na ban abada wa?
Yala i bɛna a fɔ . . .
ɔwɔ?
ayi?
laala?
BIBULU BƐ NIN DE FƆ
“Ala . . . na ɲɛji bɛɛ cɛ ka bɔ u ɲɛ la. Saya tɛna kɛ tun, su kasi fana tɛna kɛ tun, wala kasikan wala dimin, k’a masɔrɔ fɛn fɔlɔw tɛmɛnna.” —Jirali 21:3, 4, Bible Senuma, 1996.
O KƆRƆ BƐ SE KA KƐ MIN YE E BOLO
Siga tɛ kɛ i la ko i ka gɛlɛyaw tɛ Ala nɔ ye.—Yakuba 1:13.
K’a dɔn ko tɔɔrɔ min bɛ an kan, ko o mandi Ala ye, o bɛ i dusu saalo.—Zakari 2:8.
Jigiya bɛ yen ko tɔɔrɔ bɛɛ bɛna ban.—Zaburu 37:9-11.
BIBULU BƐ MIN FƆ YALA AN BƐ SE KA DA O LA TIGITIGI WA?
Ɔwɔ, kun fila kosɔn:
Ala bɛ tɔɔrɔ ani tilenbaliya kow kɔniya. A jateminɛ Jehova Ala bɛ kɛ cogoya min na ni a ka mɔgɔw tun nimatɔɔrɔ la Bibulu sɛbɛn waatiw la. Bibulu bɛ a fɔ ko a tun bɛ makari ni a ye “u tɔɔrɔlen degunnen ye u juguw fɛ tuma min na.”—Kiritigɛlaw 2:18.
Ala dusu bɛ kasi kosɛbɛ mɔgɔ kɔrɔ minnu bɛ mɔgɔ wɛrɛw tɔɔrɔ. Misali la Bibulu bɛ a fɔ ko “mɔgɔ min bɛ mɔgɔ jalakibali faga,” o man di a ye.—Ntalenw 6:16, 17.
Ala bɛ i janto an bɛɛ kelen kelen na. Jehova bɛ ‘bɛɛ kelen-kelen ka fililiw ni u ka tɔɔrɔw dɔn’ ka tɛmɛ u yɛrɛw kan!—2 Tilew Kibaru 6:29, 30.
Sɔɔni Jehova bɛna dan bila an kelen kelenna bɛɛ ka tɔɔrɔ la a ka masaya sababu fɛ. (Matiyu 6:9, 10) Nka sanni o don cɛ, mɔgɔ minnu bɛ a ɲini ni sɛbɛ ye a bɛ olu dusu saalo.—Kɛwalew 17:27; 2 Kɔrɛntekaw 1:3, 4.
I HAKILI JAGABƆ NIN KAN
Mun na Ala y’a to tɔɔrɔ ka kɛ?
Bibulu bɛ nin ɲininkali jaabi di ROMƐKAW 5:12 ani 2 PIƐRƐ 3:9 kɔnɔ.
Ninnu fana lajɛ
ESSENTIAL BIBLE TEACHINGS
Mun na Ala ye a to tɔɔrɔ ka kɛ?
Mɔgɔ caman bɛ u yɛrɛ ɲininka ko mun na diɲɛ falen bɛ koniya ni tɔɔrɔ la? O ɲininkali jaabi ɲuman bɛ sɔrɔ Bibulu kɔnɔ wa o jaabi bɛ i dusu saalo.
ANW KO LA
Mun na an ka kan ka Bibulu kalan?
Bibulu bɛ ka ɲɛnamaya ɲininkaliw bɛɛ la nafamaw jaabiw di mɔgɔ miliyɔn caman ma diɲɛ fan bɛɛ la. Yala i b’a fɛ i ka kɛ o mɔgɔw cɛma wa?
BIBULU KALANSIRAW
An ka Bibulukalan sifilɛ k’a lajɛ
Bibulukalan min bɛ mɔgɔ nafa, o sɔrɔ fu la mɔgɔ dɔ fɛ min bɛ i kalan.
