“Kerina isi Kitap si Badia rehna arah Dibata nari.”​—2 Timotius 3:16, Pustaka si Badia Terjemahen Doni si Mbaru.

Mereken jawapen si jelas kerna melala penungkunen si penting soal kegeluhen.​—Kuan-kuanen 2:1-5.

Nampati kita erban keputusen si mehuli bas geluhta.​—Masmur 119:105.

Mereken arapen si pasti bas masa depan.​—Roma 15:4.

Enda piga-piga alasenna:

• Isi Pustaka si Badia la lit si ertentangen. Pustaka itulis kira-kira 1.600 tahun dekahna janah lit kira-kira 40 kalak si nulissa. Buen arah kalak e la sitandan, tapi isi Pustaka e la ertentangen janah kerina isina njelasken sada tujun!

• Sejarah si terteki. Enterem penulis sejarah rusur nutupi kesalahen bangsana. Tapi, kerina penulis Pustaka la mela nulisken kesalahenna bage pe kegagalen bangsana.​—2 Kronika 36:15, 16; Masmur 51:1-4.

• Kai si kataken Pustaka si Badia lalap terjadi. Contohna, kataken Pustaka maka kota Babilon italuken pagi. Katakenna ka uga carana kota e italuken janah ise gelar kalak si nalukenca. Kerina e enggo itulis 200 tahun sope e terjadi.​—Jesaya 13:17-22; 45:1-3.

  Selain si e, mbue ka si kataken Pustaka si enggo terjadi seh ku keterangen si kitikna pe. Engkai maka bage? Perban Pustaka rehna arah Dibata.​—2 Petrus 1:21.