Numke tshen benntùn ni mbe ntùm tsiañdʼà? Nummbe bo bʼa dùʼ taʼ yag bumde ndùb. Mba ghafaʼ Nsi ngelañ mbwe ze Nsi naʼ mbètte yub bo nke mbumde yoñ tat ntùm nguʼ là, bag num mbébte tshag mbumde ndùb. (Nebwôgde 16:16) Njoñ nguʼ fa bag num mbumde yoñ tat: Bumde ndùb taʼ léʼ bʼa yoñ bàa, ze léʼ tat be yoñ ntshùʼ. Tsit bin bag num njù bwe à?

Tshen mbumde là num ngù yag ntamde boa fètfèt ta. Ndañndañ mba bon Israél naʼ nke ntsiañde neghamde Yaweh Nsi ntùm tshob mbumde ndùb là, mba bag num ntsiañde netamde ngamdʼé ntùm tshag mbumde. (Yobkwi 26:12, lôde mbagde mi mà tun, MN; 111:1) Tshen mbumde là num mfà manze bag neyen ba fètfèt tsemoʼ ndà ntseʼde ke tsemoʼ ntañlaʼ lo. A num mbe ngelañ bo fide là, bag à bo tamde njù jujù dùʼ bumde ndùb, mbèn njù bin shunshun num yen ngelañ nà. (Mfaʼ Ghantum 2:42) Dùʼ yen bumde là, bag num njen nkôni zʼa num ntamde “njoñ fètfèt fa” ntùm njù là.​—1 Pétro 2:17.

A num njwimde yag nekuʼ num bag ywèle. Mba ba Israél naʼ nke njù bin “nejuʼ ju ze bo siañ nà” bo ntode mi. (Néhémie 8:8, 12) Mba bag bin num nyàmde ntswide Ñwaʼni Nsi ze bo num mfà ben dùʼ mbumde ndùb là. Mba zit tu ntshob lo nke njéʼdʼà num Ñwaʼni Nsi. Ntshùade njam tu ntshob nzenze, ba tu ntshob bo bag tse, ba netshañ, bag num nziʼde neghù ze nekô Nsi ntùm yôg sage. Nejuʼ tshô fèt tshag bo maʼ ba ngùtni ntshùa ntùm sub yôg Benkristô là, num nso kù num bag. Ngelañ bumde ndùb léʼ tat, netshañ netswide tshô Ñwaʼni Nsi num ngù be yen tshu tsʼa tôg ngelañ mbwe là, mbèn ntswide ben ba loʼ nzenu ndùb. Ngelañ mba zit bumde ndùb lo, benntùn bo fà wut yub Nsi là, kuʼni neghù nyuʼntse.

• Numke ba mbumde ndùb bʼa ngelañ tsiañdʼà?

• Be o jù bin à ndùke ngelañ o nèn mbumde ndùb à?