Sitih Lōn Öm tö ngam Paipöl?
Ngö ṙô öm tö e . . .
kahūich tarik ön nö līpöre?
līpöre minônṙô hēk töng vīka istōri?
Ṙô ngam Tēv?
SITIH ṘÔ ÖNG NGAM PAIPÖL
“Ṙòkhöre nun në töhet līpöre nö tö uhômhötvö . . . tö ngam Tēv.”—2 Timòtī 3:16, THE HOLY BIBLE Car Nicobarese.
ASŪP MIN YANÖÖLEN MEH YĒ MEH AKAHAKŪÖ TÖ E
Teūngen tö sanapṙô nup tökiröng intöönö i alaham nômö.—Inchōḵ-oṙô 2:1-5.
Teūngen tö tölöng inlēnö re kaheuk sakamö.—Salmai 119:105.
Teūngen töm tökô-en mineūka ip yamih ṙētak.—Rōma 15:4.
KÒ-EN ÖI RIH MIHÔIṄ ṘĀTÖ ELLŌN RE TÖ MINË ṘÔM PAIPÖL?
Heūṅ, ngëchkö në tö lūöi lāinyngen:
Hĕngre ṙô tī më kamūich. Pōyen tö tö 1,600 samyeūheu rò-òten kinūchö ngam Paipöl tö yik tö 40 tumtak tarik. Pōyen yik in cha töt rĕhĕn nö mameukkuö höö. Söönen, nö hĕngre ṙô tī nö kūich ngam Paipöl, hĕng inrē ngam kahakkö cha!
Tötmichūṙen kamūich. Hö-ö yip ṙung kamūich nö hangālnyö nup tötlöng falngen panam re. Harīkngöre pöri më kamūich ngam Paipöl tö cha, pò cha nö hangālnyen u nö ṙòkhöre. Ötrĕhĕn nö hayunngö tanôichngenre hēk ötlanööngö panam re inrē.—2 Kinṙötngö 36:15, 16; Salmai 51:1-4.
Tökô-en Kinlēḵngô. Kilĕ-ĕyö ngam pinyaingö Pĕpilön töm Paipöl, nö 200 samyeūheu unrĕhĕ töm ṙētak pinyāingö e. (Isayā 13:17-22) Rö-ö angū-ö nöng vë-eny inlahen pinyaingö e tön uroh inrē nö vë-eny minënyö öp pumyaingen e min!—Isayā 45:1-3.
Pōyen nup inrē töngatī kinlēḵngô aṅmat ngam Paipöl töngach nö teungtökūö. Röh öi hòṅ ngatī lōn öre tö ngam Ṙô ngam Tēv?—2 Pītör 1:21.
AFĪTÖRE MAN TÖ NGIH
Sitih inlahen öng nö mihôiṅ ngam Ṙôm Tēv nö havailöm tinrīken meh?
Kētö sanapṙô e ön ngam Paipöl im ISAYĀ 48:17, 18 hēk 2 TIMÒTĪ 3:16, 17.
Lohten Inrē öm Hòṅ Ngëichken Në
INLAHEN IH
Kūöyòh Hòṅ Haköpmat Ngam Paipöl?
Kööṅnyu ngach tö teūngen tö sanapṙô re nö lökten im Paipöl. Hö-ö öm me-eṅ hòṅ sāḵ cha?
INLAHEN IH
Havëkö inköptöre
Ngëichkö sanapṙô minë intöönö aṅmat Paipöl hēk mikahtökūöre tö më Vamënyen Yāvē.
