Gendeh. Nuay menciona el Biblia que malo el sen y nuay este menciona que causa este del todo mal cosas. El cuanto ta habla que amo este el cosa ta menciona el Biblia pero gendeh se justo. El deverasan, el Biblia ta habla que “el amor con el sen amo el raiz de todo maga cosa-cosa malo.” a—1 Timoteo 6:10, El Nuevo Testamento na Chavacano, diamon el italic.

•  Cosa el Biblia ta habla acerca na sen?

•  Porque el Biblia ta dale aviso acerca na amor na sen?

•  Paquemodo kita puede beneficia na consejo del Biblia acerca na sen?

•  Maga texto na Biblia acerca na sen

 El Biblia ta dale mira que el sen, si usa na buen manera, puede queda usable y gane, puede se sirvi como “un proteccion.” (Eclesiastes 7:12) Mas pa, el Biblia ta dale comendacion con el maga bondadoso, incluido aquellos quien ta dale sen con otro como regalo.—Proverbio 11:25.

 Pero, el Biblia ta dale tambien aviso contra con aquellos quien ta hace una con el sen na diila vida. Este ta habla: “No pone ya lang el di ustedes pensamiento con el cen. Esta contento con el que tiene ustedes.” (Maga Hebreo 13:5, El Nuevo Testamento) Ta enseña se kanaton que usa con el sen na justo manera y no hace apas con el riqueza. Debe kita pricura queda contento na cosas que deverasan kita necesita, igual na comida, camisa y casa.—1 Timoteo 6:8.

 El maga gente hambriento gendeh obtene vida eterna. (Efeso 5:5) El un razon amo cay el pagka-hambriento amo un forma de idolatria o falso adoranza. (Colosa 3:5) El otro razon amo cay el maga gente hambriento, mas mucho, gendeh ta sigui con el maga principio na Biblia para lang obtene con el cosa sila quierre. Aquellos “quien ta apura queda rico gendeh hay esta inocente,” asegun na Proverbio 28:20. Posible pa gane que comete sila maga crimen, igual como man blackmail, extorcion, hace loco con otro, man kidnap o mata gente.

 Maskin pa el amor na sen gendeh resulta na mal conducta, puede se tene otro maga negativo consequencia. El Biblia ta habla que “aquellos quien quiere queda rico ta cai na tentacion; ta queda sila cugido na trampa de todo clase de deseo loco y peligroso.”—1 Timoteo 6:9.

 Si gendeh kita man compromiso con el cosas que justo y ta hace alegre con Dios por causa lang na sen, hay tene kita respeto na diaton mismo cuerpo y el favor del Dios y suporta. El Dios ya promete con aquellos quien sincero quierre obedece con ele: “Gendeh yo contigo ay deja ni gendeh yo ay abandona contigo.” (Maga Hebreo 13:5, 6) Ta dale tambien le kanaton asiguranza que “el gente fiel hay ricibi manada bendicion.”—Proverbio 28:20.