Nuay. Cuando ya compara con este na maga manuscrito de antes, ya puede mira que nuay cambia el mensaje del Biblia maskin pa bira-bira con este ya copia por miles de año na maga material que pronto tan buluk.

 Miles de maga manuscrito de Biblia de antes el ya puede incuntra. El los demas de este tiene cuanto diferencia. Ta dale este mira que tiene ya hace maga kamali cuando ta copia con el Biblia. El mayoria de este maga diferencia diutay lang y nuay cambia con el cosa quierre decir del texto. Pero, tiene cuanto grande diferencia ya puede incuntra y dol intencional con este ya hace de antes para cambia con el mensaje del Biblia. Considera con este dos ejemplo:

1.   Na cuanto translation del Biblia de antes, puede le na 1 San Juan 5:7 este maga palabra: “na cielo, el Tata, el Palabra y el Espiritu Santo: y este tres uno lang.” Pero ya dale prueba el maga manuscrito que este maga palabra nuay na original texto. Ya omenta lang con este na uliji. a Poreso, el maga moderno translation del Biblia nuay con este inclui.

2.   El personal nombre del Dios ya aparece miles de beses na maga manuscrito del Biblia de antes. Pero, mucho maga translation del Biblia ya cambia con este na maga titulo igual na “Señor” o “Dios.”

 Ahora, manada ya maga manuscrito el ya puede incuntra. Poreso, pronto ya lang incuntra con el maga mali. b Si ta compara con este maga documento, cosa este ta revela acerca na pagka-exacto del Biblia ahora?

•   Acerca na mensaje del Hebreo Escritura (que ta llama tambien el “Daan Testamento”), el un scholar que si William H. Green ya habla: “Nuay mas otro daan libro que exacto gayot el copiada.”

•   Acerca na Cristiano Griego Escritura o “Nuevo Testamento”, el un scholar del Biblia que si F. F. Bruce ya habla: “Mas manada el evidencia que ta suporta con el pagka-deverasan del Nuevo Testamento contra na manada maga cosas que ya escribi el maga escritor de antes. Pero nuay quien ya cuestiona si deverasan ba el maga cosas que ya escribi el maga escritor de antes.”

•   Si Sir Frederic Kenyon, un conocido scholar de manuscrito del Biblia ya habla que el un gente “puede agarra con el entero Biblia y gendeh man alang-alang habla que ta agarra le con el deverasan Palabra del Dios. Nuay gayot cambia el mensaje de este maskin pa estaba este na otro-otro generacion adentro na manada siglo.”

•   El maga Judio y Cristiano quien ta copia ya preserva con el maga record que ta dale mira con el maga serioso culpa que ya hace el maga siervo del Dios. c (Numero 20:12; 2 Samuel 11:2-4; Galacia 2:11-14) Ya preserva tambien sila con el record que ta dale mira el pagka-rebelloso del maga Judio de antes y con el maga doctrina que ya hace lang el maga gente. (Oseas 4:2; Malaquias 2:8, 9; Mateo 23:8, 9; 1 San Juan 5:21) Por medio na exacto copiada de este maga record, ta dale este mira que puede confia con aquellos quien ya copia con el Biblia y tiene sila grande respeto con el sagrao Palabra del Dios.

•   Ciendo el Dios el ya guia con el escribida del Biblia, gendeh ba justo que pensa que puede tambien le preserva el pagka-exacto de este? d (Isaias 40:8; 1 Pedro 1:24, 25) El deverasan, quierre el Dios que beneficia con este, gendeh lang el maga gente de antes, sino kita tambien ahora. (1 Corinto 10:11) Gane, “todo el maga cosa-cosa que ya escribi antes pa na maga Escritura amo para insiñanza diaton: para ay puede kita tene esperanza por medio del ejemplo de pacencia y consuelo que el maga Escritura ta dale.”​—Roma 15:4, El Nuevo Testamento na Chavacano.

•   Si Jesus y de suyu maga siguidores ya coteja estaba na maga copia del Hebreo Escritura. Nuay sila man lingasa que baka gendeh exacto el maga texto de antes.​—Lucas 4:16-21; Maga Actividad 17:1-3.