Unsa Kahay Mahitabo sa Umaabot?
Ang ato bang kalibotan . . .
-
magpabiling ingon niini?
-
mograbe ang kahimtang?
-
moarang-arang?
KON UNSAY GIINGON SA BIBLIYA
“Pahiran [sa Diyos] ang matag luha sa ilang mga mata, ug ang kamatayon mawala na, ug wala na unyay pagbangotan, pagtiyabaw, ug kasakit. Ang unang mga butang nangagi na.”—Pinadayag 21:3, 4, Bag-ong Kalibotang Hubad.
KON UNSAY KAAYOHAN NIINI ALANG KANIMO
Makabaton kag makapalipay nga trabaho.—Isaias 65:21-23.
Wala na kay sakit o bisan unsang pag-antos.—Isaias 25:8; 33:24.
Magmalipayon ka sa walay kataposan uban sa imong pamilya ug mga higala.—Salmo 37:11, 29.
MAKATUO BA GYOD TA SA GIINGON SA BIBLIYA?
Oo, tungod sa duha ka rason:
-
Ang Diyos may gahom sa pagtuman sa iyang saad. Sa Bibliya, si Jehova nga Diyos lang ang gitawag nga “Labing Gamhanan,” kay walay kinutoban ang iyang gahom. (Pinadayag 15:3) Busa siya makatuman gayod sa iyang saad nga himoon ang atong kalibotan nga mas maayong puy-an. Sama sa gipakita sa Bibliya, “ang tanang butang posible” para sa Diyos.—Mateo 19:26.
-
Gusto sa Diyos nga tumanon ang iyang saad. Pananglitan, si Jehova nangandoy sa pagbanhaw sa mga patay.—Job 14:14, 15.
Gipakita usab sa Bibliya nga ang Anak sa Diyos, si Jesus, nag-ayo sa mga masakiton. Ngano? Kay gusto niya kanang buhaton. (Marcos 1:40, 41) Sama sa iyang Amahan, gustong tabangan ni Jesus ang mga nanginahanglan.—Juan 14:9.
Busa makaseguro ta nga gusto tang tabangan ni Jehova ug ni Jesus nga makabaton ug malipayong kaugmaon!—Salmo 72:12-14; 145:16; 2 Pedro 3:9.
HUNAHUNAA KINI
Unsay himoon sa Diyos aron ang atong kalibotan mas maayong puy-an?
Ang Bibliya nagtubag niana sa MATEO 6:9, 10 ug DANIEL 2:44.
Basin Ganahan Pod Ka
ANG BANTAYANANG TORRE
Ang Kamatuoran Bahin sa Umaabot
Palig-ona ang imong pagtuo sa giingon sa Diyos bahin sa kaugmaon sa yuta ug sa mga tawo nga magpuyo niana.
UBANG TOPIKO
Tinuod nga Paglaom Alang sa Mas Maayong Kaugmaon
Nganong ang mga saad sa Bibliya lahi ra sa mga saad ug prediksiyon sa tawo?
IMPORTANTENG GITUDLO SA BIBLIYA
Unsa ang Gingharian sa Diyos?
Sa dihang dinhi pa si Jesus sa yuta, pirme niyang gisangyaw ang Gingharian sa Diyos. Sulod sa dugay nang katuigan, ang iyang mga sumusunod nagaampo nga moabot na unta ang maong Gingharian.
ANG BANTAYANANG TORRE
Unsay Himoon sa Gingharian sa Diyos?
Nahibalo si Jesus nga ang Gingharian sa Diyos lang ang gobyerno nga makasulbad sa tanang problema sa yuta. Unsa nay nahimo sa Gingharian aron makasalig kita niini?
BAHIN KANAMO
Hangyo nga Magpaduaw
Pakighisgot bahin sa usa ka topic sa Bibliya, o pagkat-og dugang bahin sa mga Saksi ni Jehova.
