Twaba turi kushoma Bibuli, nitubasa kukoresa ebikoreso ebitari kushushana kugira ngu tushoborocerwe ebi turi kushoma. Konka nitukora ekiri kukira aha kugira obumanyi bw’omuri Bibuli kusha. Nituba turi kwenda kutunga ebintu by’omugasho ebiri kukwata aha mitwarize ya Yehova ebiri kubasa kutuma twakizaho kumukunda. Kugira ngu eco tukihikeho tushemerire kwebuza ngu: ‘Eyi nkuru nenyegesa ki ahari Yehova?’

Nitubasa kurondesa ebihamya ebiri kwereka emicwe ya Yehova harimu nka rukundo, obwenge, oburinganiza n’amani. Konka emicwe ya Yehova ti eyo yonka. Hariho n’endijo. Ni nkahe ahu ori kubasa kubona ebiri kukwata ahari eyo micwe?

Nobasa kubona emicwe eri kurenga 50 omu Irangiro ry’ebitabo bya Watch Tower (Watch Tower Publications Index) aha mutwe oguri kugira ngu “Yehova” n’aha katwe kace akari kugira ngu “Emicwe eri kubugana n’izina.” Rondesa okuratize ebiri kubugana n’ebi ori kushoma omuri Bibuli. (Waba ori kubasa kuhika aha Kitabo ekiri kukwasa Abahamya ba Yehova kucondoza, (Research Guide for Jehovah’s Witnesses) nobasa kuza aha mutwe oguri kugira ngu “Yehova Ruhanga” aha katwe kace akari kugira ngu “Emicwe ya Yehova.”)