«Ajlwaikoyi tikuaitsi litine timafʼiname limanapola.» (Hechos 24:15, Lataiki Loya-apa Ijle Alkʼa Lishpikʼepa Jlan Dios.)

Mimanama naitsi jlalafokopá, al Biblia aspain-a kalata (2 Corintios 1:3, 4).

A-i maspaykʼeme juaykonapa lamaya (Hebreos 2:15).

Jani imanapa naitsi lufmefukopa, ajl waykojle jáway lajl pufshi titsoulinakú (Juan 11:23, 24).

Maitsi, tipa-a tama afane lotalay-epa:

• Jlan Dios ilankʼepa lajl pitine. Al Biblia tikua Jeoba lo kupa lajl pitine (Salmo 36:9; Hechos 17:24, 25). Jani epi-ipola lijl pitine polofʼka lin shanúkʼ, nipanjya ti pay-enamola lijl pitine limanapolá.

• Jlan Dios joupa imujpa nipanjya timafʼi-imola limanapolá. Al Biblia tipalaykojma apayko lin shanúkʼ naitsi imafʼipola, amijkanó je akajlno, áway je itojpola shanúkʼ, je iwe-ipá lapanjya ifa-á jlamatsʼ. Awalka kite mima-la; anuli joupa i-ipa amalpu kitine kimanwa (Juan 11:39-44).

• Jlan Dios tijanaka tipay-emola lijl pitine lamiswá. Jeoba a-i kipan-owa lamaya tishina kipilayk (1 Corintios 15:26). Ipikʼa tejakʼema lamaya tojliya tiem-a timafʼintsola lamiswá. Ipikʼa timanjkonajle ifa-á jlamatsʼ naitsi lomana li pikiajma jlan Dios (Job 14:14, 15).