“Diosba [...] ãchi dauɓá jarekuarua, waburu biuɗaweã, jẽãɗaweã ni puʼua siɗa kawaɗaebai joma jãrã kaɗeburu duanerũã.” (Revelación [Apocalipsis] 21:3, 4, Traducción del Nuevo Mundo.)

Dachirãrã traju bia baraduanãĩ dachia bustaru (Isaías 65:21-23).

Ẽpermabadaɗa wa unuɗaebayua (Isaías 25:8; 33:24).

Kĩrãju nurẽpaɗe wãi deɗabena õme maũɗe dachi aɓari kau õme biɗa kiniɗabai (Salmo 37:11, 29).

I, kawas õme:

• Dios poder baraɓua naũ promesa cumplibaita. Bibliaɗe Diosma buru “Poder auɗe barani” trũjabaria. Ichi poderʼra poya akabaká (Revelación 15:3). Maũɗeburu ichia naũ ĩũjã kambiabiru prometeɗabaẽrã aurre mipitaɗe dachiara maka bayuɗe kũrĩsiaɗai ichia kapasní kumplibaita, “Diosbaita kosararã waubarikoɓea” (Mateo 19:26).

• Diosba naũ promesa kumpliʼi kũrĩsiaɓua. Naũ ejemplo ochiaɗaika ẽbẽrãrã kĩnipeɗadaɗe Bibliaba jaraɓua Jeowaba kũrĩãɓu narã waya piradrubiaibaita (Job 14:14, 15).

  Maũɗe Jesus ɗebena siɗa jaraɓua chi dachi Dios war, ichia ẽpermorã newaẽbiaɗa ¿Sakaẽrã naũ asesá? Ichia jãka asei, kũrĩasiɗeba (Marcos 1:40, 41). Ichia asekuɓu joma chi õkõrẽba asekũrĩãɓu unubiɗá wãrã aidabayua chi auɗe nesitakirurẽrã (Juan 5:19).

  Naũba dachirãrã biʼia kũrĩsiaɗai Jeowa Jesus õmeba nũnũ ewari mipita kũrĩã panua ɗachirã baita (Salmo 72:12-14; 145:16; 2 Pedro 3:9).