CAPÍTULO 8

¿Saka nurea chi amikorã biarã?

“Mʉ kĩru kuɓuubʉrã aɓaumaa jara kʉ̃ria ɓuu mʉ saka senti ɓuuɗebena. Mʉ nomaa ɓuubʉrã, “aburrirã́ba biʼia kãribai” asirã, mʉ baita biʼia ɓuu. Mʉ kĩrajʉa ɓuubʉrã junebena ome beɗeai busta ɓuu. Mʉʉmaarã, amiko kaita ɓuubʉrã biʼia nibayua” (Brittany).

CHI nureeba jarabadau chi warrarã kõpaero baare jemene panuu, mauɗe maarã waribudauɗe amikorã baare meraa panua. ¿Mau sakayua?

Kõpaero baare bichi jemenei ɓua.

Amiko biʼia nii bichi ome meraa ɓuu.

Chi Biblia biɗa jara ɓuu”amiko ariɗe kiɗii kapichia kʉ̃ria nibabaria, dachimaa problema nee ɓuuɗe ãrĩã aiɗabaria” (Proverbios 17:17). Amikorã naka ɓeerã aude biʼia ɓuu warrarã kõpaero baare jemenei kãyabãra.

Bʉ wari kãrii ɓuumisa, ariɗe ɓuu bichi amikorã ome meraayua...

1. ... biʼia nureerã omeburu.

2. ... kĩra jipa ãda nureerãdu.

3. ... bichi aiɗa nureedu biʼia aseyua.

Makarã, kʉ̃risiaba chi bichi ome ãda nureerã ara jãka duanuubʉrã. Mauɗeeba biʼia jaradeaɗai naarã aɓaaɓaaɗebena.

Chi naa kʉ̃risiayua amikorã ome meraayua: Biʼia nureerã omeburu

Nauɗe kʉ̃risiaba. Jomaurã bichi ome nureerã amiko ariɗe duanuuwẽe. Chi Bibliaba jara kuɓuu” kõpaerorã waarã miadaa aseɗayua duanabaria” (Proverbios 18:​24). Bichi kʉ̃risiai ɓuu “mau makawẽe”, maamina, ¿naeɗe bʉ amiko bichi engañapeɗa, mauɗe bichi ʉ̃rʉbena atua jaraɗa baɗae? Maka pasa ɓuubʉrã, amiko nibai baɗa nibaɗaabai. a Amikorã biarã ɓaʼãraburu duanasirã, mau ariɗe ɓuu aribia ome nibai baɗabaarã.

Naka aseba. Ãda nibaba ẽbẽrarã biʼia ase nureerã omeburu.

“Mʉ amika Fionaɗebena ẽbẽrarãba biʼia jara panuma. Mʉ ichi niika niba kʉ̃ria ɓuu. Ichi ẽbẽra bia kiɗii” (Yvette, 17 año nima.)

Naka berekaba aseyua:

1. Gálatas 5:22, 23 leachãu.

2. Kʉ̃risiaba: “¿Mʉ amikorã ara jãka nureka jãu textoba jara ɓuu kĩrachaa?”.

3. Ɓʉtachãu chi trʉ̃ chi amikorãɗe bichi kapichia meraabari, mauɗe ɓʉchãu mau jʉ̃kaa, ãchi saka nureeɗebena.

Chi trʉ̃

․․․․․

Saka nii

․․․․․

Ũriba: Bichi boromaa ãchi ʉ̃rʉbena kachirua ɓuu neeburuubʉrã ãchi ome meraarã́ba.

Chi ome kʉ̃risiayua amikorã ome meraayua: Kĩra jipa ãda nureerãdu

Nauɗe kʉ̃risiaba. Bichi amikorã isa jʉrʉ kʉ̃ria ɓuubʉrã, miadaa nureerãdu unui ɓua. Chi Bibliaba ariɗe jara ɓuu: “Biʼia kʉ̃risiaɗakaurã baare koɓeesiirã biʼiawẽe wãyua” (Proverbios 13:20). Nama jara ɓuuɗe “biʼia kʉ̃risiaɗakaurã” naarã escuelaɗe biʼia wãɗakaa maebʉrã chi akawa adua nureerãɗeeba maka jaraɗakaa, madu chi ẽbẽrarã ãi manejabadau chi kĩrubi ãrĩã duanuuɗeeburua. ¿Bichia amiko jãka nuree kʉ̃ria ɓubaaka? Makawẽma.

Naka aseba. Barikiau ẽbẽra ome meraarã́ba, ẽbẽra bia nii omeburu (Salmo 26:4). Ẽbẽrarã ɓaʼarãburu bichi ome amiko nibai ɓuu a jara kʉ̃riawẽe. Madu, biʼia jʉrʉbaraai kawayua “aɓa kachirua nii, aɓa jipa nii, aɓa Dachi Akõre baita traja nii mauɗe aɓa trajaka ɓuu nii” (Malaquías 3:18).

“Mʉ kĩrajʉa ɓuu mʉ akõre dana baare mʉ aiɗasiɗau amiko bia keɗee unuyua, mʉ edad dausia Jeowa kaita nureerã ome” (Christopher, 13 año nima).

Naka wiɗi ɓee panáubaɗa:

¿Bichia pera ɓuka bichi amikorãba miadaa asebi kʉ̃ria panuu kakua?

□ Mae

□ Makawẽma

¿Bichi pera ɓue bichi akõrerãba bichi amiko unuɗayuɗebena?

□ Mae

□ Makawẽma

Ũriba: Bichia mae a jarabʉrã, amikorã jipa nuree ome meraai nesta ɓuu, Jeowa kaaɗe ãda kirureerã ome.

Chi õbea kʉ̃risiayua amiko ome meraayua: bichi aiɗa nureedu biʼi aseyua

Nauɗe kʉ̃risiaba. Chi Bibliaba jara ɓua: “kachirua waubadaurã ome ãbua nibaaduubʉrã, maarãba machi biʼia nibabadau kachirua babiɗai” (1 Corintios 15:33, Biblia Chamí, WPS) Naka pasasii Lauren ome: “Mʉa kʉ̃ria ɓoosia kõpaerorã escuelaɗebena mʉ ome ãda nibayua. Maamina ãchia jaraɗaidu asei baraachesia. Mʉ istu nibaɗaɗeeba ãchi kĩra koɓeesia”. Bichi Lauren kĩra bichi amikorãba ase panuudu ase koɓeesirã ¿Mau maka bichia kʉ̃ria ɓue?

Naka aseba. Meraarã́ba ẽbẽrarã ome bichia biʼia asei baɗa idaraabiɗawẽe ãchi kĩra nureaɗayua. Bariara amikorã ɓaʼãraburu ome meraa koɓeesirã, bichi kĩrajʉa nibai. Mauɗe unui ɓua amikorãba bichi aiɗai ɓuu jipa nibayua (Romanos 12:2).

“Chi amiko mʉ aude meraabarii Clintbʉ. Ichi jipa nibapeɗa biʼia kʉ̃risia nii, jãu omeburu kĩrajʉʉ niiɗeeba.” (Jason, 21 año nima.)

Naka wiɗi ɓee panáubaɗa:

¿Bichi ropa jʉ̃barii baɗa jʉ̃wẽa ɓue bichi amikorã baare nibayua?

□ Mae

□ Makawẽma

¿Chi ẽbẽrarã miadaa nuree wãbadauɗaa bichi wã ɓue ãchi kĩra aseyua?

□ Mae

□ Makawẽma

Ũriba: Bichia mae a jarabʉrã cha naka wiɗi ɓeeɗebena, akõrerã chi kuitaa nureerã ome beɗeaba amikorã bia jʉrʉyua mal camino nibaamaaba. Bichi Jeowa ɗebena Jara nibabariibʉrã jãuɗebena dawaraurã ome beɗeaba

MAUCHA KAWAI ƁUU CHI CAPÍTULO 9ƊE CHI LIBRO 2ƊEBENA

CHI CAPÍTULO URUUƊE

¿Bʉʉmaa tentación kuɓusiɗae mauɗe bichia miadaa ase kʉ̃ria kuɓue? Kawaba bichi saka choroai ɓuu.

[Chi dore ɓʉ kuɓuu]

CHI VERSICULO ARIKɄƊE BIBLIAƊEBENA

“Kõpaerorã waarã miadaa aseɗayua duanabaria, maamina amiko ɓoobarii dachi ãba kĩra kiɗibayu” (Proverbios 18:24)

NAUƊE KɄ̃RISIABA

Berekaba chi jipa nibai baita Dachi Akõre daaɗe. jãka aseeruubʉrã, waabenarã jãka bereka ase duanuu bichi ome amiko nureaɗai kʉ̃ria panuu. ¡Jãarã amikorã bi’ia nuree!

¿NAU KUITAA ƁOOSE?

Dachi Akõreba joma kʉ̃ria ɓumina, Ichia kʉ̃risiabaria ichi amiko babii naeɗe (Salmo 15:1-5).

¡NAU ASEƊAIKA!

¿Kãare aseiba amiko bia nureerã unuyua? ․․․․․

Naarãbʉ chi nuree ẽbẽra dawaraurã mʉa unu kʉ̃ria ɓuu: ․․․․․

Mʉa wiɗi kʉ̃ria ɓuu mʉ dada mʉ danamaa nau ʉ̃rʉbena ․․․․․

BICHIA, ¿KÃARE KɄ̃RISIA ƁUA?

● ¿Kãare aude bustabaraa bichi amikorãɗe? Jarachau sakayua.

● ¿Kãareɗe bi’ia unui ɓua amiko bia nibai baita?

[Comentario]

Mʉ akõre dana omeeba mʉʉmaa consejo deasiɗaa amikorã miadaa nuree ome ãdaamaaba. Ara aɓauɗe ijãawẽa ɓeesii mʉa kʉ̃risiasiiɗe ãchi omeburu mʉ biʼia meraabachiiɗeeba. Maamina naarã beɗearã ariɗe ɓoosia, mʉa ijãa koɓeesiiɗe waabena ẽbẽra ome biʼia ɓuu amiko nibai baitaʼʼ (Carlos).

[Recuadro]

Junebena consejorã

Beɗeaba bichi akõrerã ome. Wiɗiba saka nureasiɗau chi amikorã bichi kĩra nureeɗe. ¿Ãchia kãare kʉ̃risiabadaa kãare aseyu problema bara nii ɓaemaaba?

Unubiba bichi amikorã kawabiayua bichi akõrerãmaa. Kʉ̃riawẽebʉrã, kʉ̃risiaba sakayua kʉ̃riawẽe ɓuu. Bichi amikorã bi’ia nureewẽebʉrã bari cambiayua.

Ũriba bichi amikorãba jarabudau, ãchia kuitaaɗayua bichia kʉ̃ria unii (Filipenses 2:4).

Kachirua ɓuu asebudaubʉrã, perdonaɗaibaraa, ãchi imperfecto nuree bẽrã. Santiago 3:2, “jomaurãba ãrĩãdu miadaa asebadau”

Kʉ̃riarã́ba joma ãchi naarãburu nibai baita. Ãchi jãma kopanayua bichia nesitaburuuɗe (Eclesiastés 4:9, 10).

[Foto]

Mʉa ida junebenarãmaa odoebiiruubʉrã ara maarã baaraburu nibaɗe wãi ãchia jarabudauɗe kĩrabara balón tʉapeɗa ẽbẽrarãba kʉ̃riaburuumaa mama araa wãyua.