Pathian Pennak cu Zeidah a Si?
Zeitindah na ruah? . . .
-
Lungthin chungah a ummi a si.
-
Langhternak bia a si.
-
Vancung ah a ummi uknak a si.
BAIBAL CHIMMI
“Vancung Pathian nih pennak pakhat a ser lai i cu pennak cu zeitikhmanh ah a rawk lai lo.”—Daniel 2:44.
“Fapa pakhat pek kan si! Amah cu kan uktu bawi a si lai.”—Isaiah 9:6.
MAH IN ZEI ṬHATNAK DAH NA HMUH KHAWH?
-
A dingmi uknak pakhat thawngin ṭhatnak na hmuh khawh.—Isaiah 48:17, 18.
-
A ra laimi vawlei thar ahcun a tlingmi ngandamnak le nuamhnak kha na hmuh lai.—Biathlam 21:3, 4.
BAIBAL CHIMMI HI KAN ZUMH KHAWH
Zumh khawh a sinak a ruang pahnih a um:
-
Pathian Pennak nih a kan tuahpiak hnga dingmi kha Jesuh nih a langhter. Jesuh nih a zultu pawl kha Pathian Pennak rat ding caah le vawlei ah a duhnak tlinter ding caah thlacam dingin a chimh hna. (Matthai 6:9, 10) Mah thlacamnak zeitindah a tlin lai ti kha Jesuh nih a langhter.
Jesuh nih vawleicung a um lioah a rawl a ṭammi hna kha rawl a pek hna, cun a dam lomi hna kha a damter hna i a thimi hna kha a thawhter ṭhan hna! (Matthai 15:29-38; Johan 11:38-44) Hmailei ah Pathian Pennak uktu a si hngami Jesuh nih Pennak nih a kan tuahpiak hnga dingmi thil hna kha langhternak in a rak tuah chung.—Biathlam 11:15.
-
Vawlei thil sining hna nih a rauhhlan ah Pathian Pennak a ra cang lai ti kha a langhter. Pathian Pennak nih vawleicung ah daihnak um dingin a tuah hlanah vawleicung ah raltuknak, mangṭam le lihnin a tlung lai tiah Jesuh nih a chimchung.—Matthai 24:3, 7.
Tuchan ah mah bantuk thil sining hna kha kan hmuh cang. Cucaah a rauhhlan ah Pathian Pennak nih mah bantuk harnak vialte kha a donghter dih cang lai ti kha kan zumh khawh.
MAH HI RUATHMANH
Pathian Pennak nih a kan uk tikah zeitindah kan nun lai?
Mah biahalnak i Baibal a phi kha SALM 37:29 le ISAIAH 65:21-23 ah zoh.
Mah Kong Hna Zong Hi Na Duh Khawh Men
ESSENTIAL BIBLE TEACHINGS
Pathian Pennak Cu Zeidah A Si?
Jesuh nih vawleicung phung a chim lioah zeidang kong nakin Pathian Pennak kong kha a hleiin a rak cawnpiak hna. Kumzabu tampi chung Pennak a rat nakhnga mi tampi nih thla an rak cam.
VENNAK INNSANG
Pathian Pennak Nih Zeidah A Liim Lai?
Pathian Pennak lawng nih vawleicung buaibainak vialte a hrawh khawh dih ti kha Jesuh nih a hngalh. Kan zumhnak a feh nakhnga Pennak nih zeidah a tuah cang?
KAN KONG
Zeicah Baibal kan Cawn?—A Saumi
Vawleicung i mi tampi nih hngalh an duhmi nunnak kong biahalnak a phi kha Baibal ah an hmuh. Nangtah anmah bantukin hngalh na duh ve maw?
BAIBAL CAWNPIAKMI
Baibal Kha Cawng Chunh
Man loin pakhat le pakhat Baibal kong i ruahceihṭinak kha tuahchunh.
