“Iquimoshiretasanojeitaque maaroni quemajeitirori irineane Tasorentsi, aisati maaroni quemisantajeitiriri Tasorentsi” (Irocashi 11:28, Irineane Tasorentsi).

Pinintabakaajeitya (Ejesosati 5:28, 29).

Pimpinkatsatabakaajeitya (Ejesosati 5:33).

Pintsipatabakaajeitya, eiro pijokabakaajatsi (Maricoshi 10:6-9).

Jee, ¿paitakea?

• Yobetsikakeri Tasorentsi ashaninkapee. Tempa okantiri Bibiria, yora Tasorentsi Yioba “iriotaque ashijeitaqueeri, maaroni [...] ashanincajeitacari” (Ejesosati 3:14, 15). Irootake atimantakari aka kipatsikika. ¿Paita okameetsatantari piyotero oka?

  Noshiakantempiro, ariorika piñakero kameetsa shitashintsi, pikoi pantero oka, iro kantaincha terika piyoteji pantero, ¿jaanika pisampiteri? Antirori shitashintsi, ¿tempa?

  Aisati pinkoakerika kameetsa pisaikantyari pishaninkasanori, ¿jaanika pisampiteri? Apinti Tasorentsi Yioba, tempa iritake Betsikirori ashaninka (Génesis 2:18-24).

• Inintee Tasorentsi. Ariorika pinkemisantero ikantayetiri Yioba, pishaninka aisati abirori kameetsa pintimantyari tempa “yashi yoiro inintajeitaquee” (1 Joa 4:8). Ikoiri Yioba kameetsa pisaike, eiro pipeakotarotsi, maaroni ikantakeri irointi kameetsa (Proverbios 3:5, 6; 2 Timoteo 3:16).