Ki mannyer ou vwar lavenir?
Eski nou lemonn pou . . .
-
reste parey?
-
vin pli pir?
-
vin pli meyer?
SA KI LABIB I DIR
“Bondye . . . pou eswiy tou larm dan zot lizye. Lanmor pou nepli egziste. Pou nepli annan ni dey, ni plere, ni soufrans, parski lemonn ansyen in disparet.”—Revelasyon 21:3, 4, Nouvo Testaman.
KI SA I VEDIR POUR OU
En bon travay ki satisfezan.—Izai 65:21-23.
Pou nepli annan okenn maladi oubyen soufrans.—Izai 25:8; 33:24.
Lavi ere e eternel avek ou fanmir ek zanmi.—Psonm 37:11, 29.
ESKI NOU VREMAN KAPAB KRWAR SA KI LABIB I DIR?
Wi, pour omwen de rezon:
-
Bondye i annan abilite pour akonplir sa promes. Dan Labib, zis Zeova tousel ki ganny apele “Toupisan,” akoz son pwisans i napa en limit. (Revelasyon 15:3) Alors, i definitivman kapab gard son promes pour konpletman fer sa lemonn vin pli meyer. Parey Labib i dir, “pour Bondye tou i posib.”—Matye 19:26.
-
Bondye i anvi akonplir sa promes. Par egzanp, Zeova i “vreman anvi” redonn lavi bann dimoun ki’n mor.—Zob 14:14, 15.
Labib i osi montre ki Garson Bondye, Zezi, ti geri bann malad. Akoz i ti fer sa? Akoz i ti anvi fer li. (Mark 1:40, 41) Dan en fason parfe, Zezi ti reflekte personnalite son Papa par anvi ed bann ki dan bezwen.—Zan 14:9.
Alor, nou kapab asire ki Zeova ek Zezi i anvi ed nou rezouir en zoli lavenir!—Psonm 72:12-14; 145:16; 2 Pyer 3:9.
POUR REFLESIR LO LA
Ki mannyer Bondye pou fer sa lemonn vin pli meyer?
Labib i reponn sa kestyon dan MATYE 6:9, 10 ek DANYEL 2:44.
Ou pou kapab kontan sa osi
LATOUR VEYER
Laverite konsernan lavenir
Ranforsi ou lespwar lo sa ki Bondye i dir konsernan sa ki pou arive a lavenir avek later e lo bann dimoun ki pour viv lo later.
ESSENTIAL BIBLE TEACHINGS
Kisisa Rwayonm Bondye?
Ler Zezi ti lo later, i ti koz lo Rwayonm Bondye plis ki lezot size. Pour plizyer syek, son bann disip in priye pour ki sa Rwayonm i vini.
LATOUR VEYER
Ki Rwayonm Bondye pou fer?
Zezi ti konnen ki Rwayonm Bondye i sa sel gouvernman ki pou kapab rezourd bann problenm lo later. Ki sa Rwayonm in fer pour ki nou annan plis konfyans dan sa ki i pou fer a lavenir?
KONSERNAN NOU
Eski ou ti a kontan en vizit?
Diskit en kestyon lo Labib oubyen aprann plis lo Temwen Zeova.
