Mejãchaʉba krĩchapanʉ Jesu kʼaidubema bʼaita zokʼaibarata kruzʼra. Mamina dai Jeowa ʉ̃rʉ Kʼawuabipanʉrãra Kristo kʼaidupanʉmina, zokʼada ẽ kruzʼra akʉza maʉ̃ʼa yiwidʼida ẽ. ¿Kʼãrẽa oda ẽ maʉ̃ra?

 Nããra Daizeze Bedʼeabara jara ẽ Jesura kruzde beidara, awuarabʉrʉ jarabʉ bakuru abaʉdebʉrʉ beidata. Adewara kristianora naʉ̃ ũrãgʼata diabʉ: «Nekʼãrẽ oma yiwidʼiraidua». Dayirãba kruzʼta zokʼadara mawũãra nekʼãrẽ oma yiwidʼibʉ kĩrãkʼabayi (1 Corintios 10:14; 1 Juan 5:​21).

 Adewara Jesuba jarasi kʼãrẽba kʼawuabiseabʉta saʉ̃ta kristianoʼarata: «Mawũãtrʉ jõmaʉ̃ba kʼawuadayi marara mʉ̃ kʼaidubemarata, mayirainʉ yiya kãgapanʉbʉrʉ» (Juan 13:34, 35). Mawũẽra kristianoʼarara mawũã ũdukaʉde ẽ ãya kruz zokʼabʉdeba, awuarabʉrʉ wãrĩnu ũdukaʉde yiya kãga ũdubibʉdeba.