«Pejtelel jiñi Tsʼijbujel tilem ti Dios» (2 Timoteo 3:​16, Traducción del Nuevo Mundo Mateo-Apocalipsis).

Mi caj lac tajben wem bʌ i jacʼbal jiñi ñuc tac bʌ cʼajtiya (Proverbios 2:1-5).

Mi caj lac taj wem bʌ ticʼojel tac chaʼan bajcheʼ yom mi lac chumtʌl (Salmo 119:105).

Mi caj lac taj i sujm bʌ pijtaya chaʼan jiñi talto bʌ qʼuin (Romanos 15:4).

Añʌch, laʼ laj qʼuel uxchajp:

• Maʼañic baʼ ora miʼ jatsʼ i bʌ ti tʼan. Jiñi Biblia tiʼ tsʼijbu 40 wiñicob i tsaʼ jalʼa ti tsʼijbuntel mil 600 jab. Anquese mach tiʼ pejtelelobic tsiʼ cʌñʌyob i bʌ, jiñi Biblia maʼañic miʼ jatsʼ i bʌ ti tʼan yicʼot jumpʼejl jach i temajlel.

• Jiñi tsaʼ bʌ i tsʼijbuyob maʼañic chuqui tsiʼ mucuyob. Jiñi yujiloʼ bʌ chaʼan historia maʼañic miʼ tsʼijbuñob chuqui mach bʌ weñic miʼ yujtel tiʼ tojlel i lumalob. Pero jiñi xtsʼijbaya bibliajob maʼañic tsiʼ mucuyob chuqui mach bʌ weñic tsiʼ meleyob yicʼot tsaʼ bʌ ujti tiʼ tojlel i lumalob (2 Crónicas 36:​15, 16; Salmo 51:​1-4).

• Jiñi profecía tac miʼ laj tsʼʌctiyel. Jiñi Biblia tsiʼ wʌn alʌ chaʼan mi caj i jisʌntel jiñi tejclum Babilonia cheʼ bʌ anto yom 200 jab chaʼan miʼ tsʼʌctiyel (Isaías 13:​17-​22). Mach cojic jach tsaʼ wʌn ajli bajcheʼ mi caj i jisʌntel, tsaʼ wʌn ajli jaʼel chuqui i cʼabaʼ jiñi rey muʼ bʌ caj i jisan (Isaías 45:​1-3).

  An yan tac bʌ profecía am bʌ ti Biblia tsaʼʌch bʌ tsʼʌctiyi jaʼel. Cheʼ bajcheʼ tsaʼix laj cʌñʌ, ¿mach ba jiñic muʼ bʌ lac pijtan ti jiñi i Tʼan Dios? (2 Pedro 1:​21).