Video tac i chaʼan bʌ Biblia: Ñuc tac bʌ cʌntesʌntel
Ili alʌ video tac miʼ yʌqʼuen i jacʼbal cʼajtiya tac am bʌ ti Biblia ñuc tac bʌ i cʼʌjñibal. Cʼajtiya tac bajcheʼ ili: ¿Chucoch tsiʼ mele Dios ili Pañimil?, ¿chuqui mi lac chaʼlen cheʼ mi lac chʌmel? i ¿chucoch Dios woliʼ yʌcʼ ti ujtel jiñi wocol?
¿Am ba majqui tsiʼ mele jiñi universo?
An maʼañic bʌ miʼ wen chʼʌmbeñob i sujm muʼ bʌ i yʌl jiñi Biblia i miʼ yʌlob chaʼan lot jach. Pero ¿am ba i sujmlel muʼ bʌ i yʌl chaʼan bajcheʼ tsaʼ mejli jiñi universo?
¿Am ba Dios?
Qʼuele chuqui tac miʼ pʌs chaʼan añʌch i sujmlel cheʼ mi lac ñop chaʼan añʌch Dios.
¿Am ba i cʼabaʼ Dios?
Dios an cabʌl i título: Mach bʌ Añic i Pʼisol i Pʼʌtʌlel, tsaʼ bʌ i Meleyonla yicʼot lac Yum. Ili video miʼ pʌs chaʼan i cʼabaʼ Dios miʼ tilel ñumen ti 7,000 yaʼ ti Biblia.
¿Majqui tsiʼ yʌcʼʌ ti tsʼijbuntel jiñi Biblia?
Mi wiñic jach tiʼ tsʼijbuyob jiñi Biblia, ¿wen ba cheʼ «I tʼan Dios» miʼ subentel? ¿Majqui i tʼan jiñi tsʼijbubil bʌ yaʼ ti Biblia?
¿Bajcheʼ mi lac ñaʼtan chaʼan isujmʌch muʼ bʌ i yʌl jiñi Biblia?
Mi tilemʌch ti Dios jiñi Biblia, ili libro mach lajalic i wentʌlel bajcheʼ yambʌ libro tac.
¿Chucoch tsiʼ mele Dios ili Pañimil?
Wen utsʼatax ili Lum. Wen chajpʌbil bajcheʼ an i ñajtlel yicʼot jiñi Qʼuin yicʼot miʼ ñijcan i bʌ ti wen jach bʌ velocidad. ¿Chucoch Dios tsiʼ wen chaʼle wersa i chajpan ili Lum?
¿Baqui bʌ i sujmlel laj cuxtʌlel?
Miʼ mejlel a taj chuqui yom bʌ maʼ mel chaʼan tijicñayet yicʼot chaʼan maʼ tajben i sujmlel a cuxtʌlel.
¿Baqui miʼ mejlel lac tajben i jacʼbal jiñi ñuc tac bʌ cʼajtiya?
¿Am ba a cʼajtibe a bʌ chaʼan jiñi cuxtʌlel, chaʼan jiñi chʌmel o chaʼan jiñi talto bʌ qʼuin? Añʌch i jacʼbal pejtelel jiñi cʼajtiya yicʼot yan tac bʌ. Pero ¿baqui miʼ mejlel taj?
¿Chuqui mi lac chaʼlen cheʼ mi lac chʌmel?
Jiñi Biblia miʼ taj ti tʼan chaʼan cabʌl lac piʼʌlob mi caj i chaʼ tejchel, cheʼ bajcheʼ tsaʼ tejchesʌnti Lázaro.
Jiñi infierno, ¿yaʼʌch ba baqui miʼ pulelob jiñi chʌmeñoʼ bʌ?
Jiñi Biblia miʼ yʌl chaʼan «Dios cʼuxbiyajʌch» jin chaʼan maʼañic ba ora miʼ yʌqʼuen i toj i mul jiñi lac piʼʌlob chaʼan tsaʼ bʌ i meleyob ti wajali.
¿Jimba Dios jiñi Jesucristo?
¿Jimba Jesús jiñi Dios maʼañic bʌ i pʼisol i pʼʌtʌlel o mach jiñiqui?
¿Chucoch tsaʼ chʌmi Jesús?
Jiñi Biblia miʼ yʌl chaʼan jiñi i chʌmel Jesús wen ñucʌch i cʼʌjñibal. ¿Am ba i wenlel cheʼ tsaʼ chʌmi?
¿Chuqui jiñi i Yumʌntel Dios?
Cheʼ bʌ Jesús tsiʼ chaʼle subtʼan, tsiʼ wen taja ti tʼan chaʼan i Yumʌntel Dios bajcheʼ yambʌ temaj tac. Cabʌlix jab, jiñi xñoptʼañob an i cʼajtiyob ti oración chaʼan miʼ tilel i Yumʌntel.
¿Dios ba miʼ choc tilel jiñi tsʌts bʌ icʼ jaʼal o yan tac bʌ?
Chaʼtiquil tsaʼ bʌ i ñusañob wocol tiʼ caj tsʌts bʌ icʼ jaʼal miʼ yʌlob chuqui tsiʼ cʌñʌyob yaʼ ti Biblia.
¿Chucoch Dios woliʼ yʌcʼ ti ujtel jiñi wocol?
Yonlel lac piʼʌlob miʼ cʼajtibeñob i bʌ chucoch an cabʌl tsʼaʼleya yicʼot wocol. Jiñi Biblia miʼ tsictesan chucoch i miʼ ñuqʼuesan lac pusicʼal.
¿Wem ba miʼ qʼuel Dios tiʼ pejtelel ñopbalʌl tac?
Cabʌl miʼ ñaʼtañob chaʼan mach yʌlʌyic baqui bʌ ñopbalʌl an lac chaʼan.
¿Yom ba Dios chaʼan mi laj cʼʌn imagen tac chaʼan mi lac chʼujutesan?
¿Muʼ ba i mejlel i lʌcʼtesañonla tiʼ tojlel juntiquil Dios maʼañic bʌ miʼ mejlel laj qʼuel?
¿Muʼ ba i ñichʼtan Dios tiʼ pejtelel jiñi oración tac?
¿Muʼ ba caj i ñichʼtan Dios juntiquil wiñic muʼ bʌ i ticʼlan i yijñam i tiʼ wiʼil miʼ cʼajtiben Dios chaʼan miʼ yʌqʼuen i bendición?
¿Chuqui miʼ yʌl Dios chaʼan jiñi ñujpuñel?
Dios yom chaʼan tijicña miʼ yajñelob jiñi ñujpuñemoʼ bʌ. Jiñi Biblia miʼ yʌcʼ wen tac bʌ ticʼojel am bʌ i colta yonlel lac piʼʌlob
¿Bajcheʼ yilal miʼ qʼuel Dios jiñi pornografía?
Mi jiñi tʼan pornografía maʼañic miʼ tilel yaʼ ti Biblia, ¿bajcheʼ miʼ mejlel lac ñaʼtan bajcheʼ yilal miʼ qʼuel Dios?