130-МӖШ ЮРӐ
Пӗр-пӗрне каҫарӑр
(Псалом 85:5)
-
1. Ҫылӑх сӑнчӑрне те,
Вилӗме те пӗтерме
Кашни ҫыншӑн Турӑ панӑ
Хӑйӗн хаклӑ Ывӑлне.
Ҫылӑхсемшӗн ӳкӗнсессӗн,
Каҫару чунтан ыйтсан,
Иисусӑн парнипе вӑл
Каҫарать юратнӑран.
-
2. Турӑ пек эпир те
Пӗр-пӗрне чунтан-вартан
Хӗрхенсессӗн, каҫарсассӑн,
Харкашмасӑр пурӑнсан,
Юратсан, хисеплесессӗн,
Ыр пулсан тӑвансемпе,
Хамӑра та вӑл хӗрхенӗ
Хӑйӗн ырӑлӑхӗпе.
-
3. Вӑл хӗрхеннӗ евӗр
Вӗренетпӗр хӗрхенме,
Ҫавӑнпа та тавӑрмастпӑр,
Васкамастпӑр ҫилленме.
Юрату Турри кӑтартнӑ
Тӗслӗхе тытса тӑрсан,
Эпӗр чӑтӑмлӑ пулатпӑр,
Каҫаратпӑр кӑмӑлтан.
(Ҫавӑн пекех Матф. 6:12; Эф. 4:32; Кол. 3:13 пӑхӑр.)