“-Zlan [...] -dho ö -kɔ ziö- -nu ˈˈyan ˈˈdhiʋ̈, ˈö- -nu ˈˈyanyi ꞊gban bho mü ˈˈpɛɛpɛdhö. Ga ˈyii ˈdho bhɔ ˈzü, ˈˈɛɛn -wëë -ya wo -sü ˈbha ˈyii ˈdho kë ˈzü, -wëëwʋ ˈkpɔ -sü waa- pë -ma mɛ ˈka -sü ꞊gbaan yën. -A -gɛn -mü ꞊dhɛ ˈwɔn ˈˈpɛpɛ ˈdhɛ ˈkö gun kë sië zii -blɛɛsü bha- ꞊gbaan ziö.” —-Dhɛkpaɔ dhiaˈˈ ˈsëëdhɛ 21:3, 4, Naɔ -së ˈsëëdhɛ.

Mɛn ˈö ˈdhö, -yö -dho ö -zokun -yö ˈö -gɛn ˈdhö ˈdhö -a kë-.—Isaïe 65:21-23.

ˈˈYua waa saanˈˈ suu ˈˈpɛpɛ -dho ɲën.—Isaïe 25:8; 33:24.

Kaa ka -bha ˈkɔdhigümɛn -nu waa ka ˈˈtɔŋdë -nu, ka -dho -tosɛta ˈö ˈyaa ɲën -a kë zuʋ̈gblüdhi ˈgü.—Psaume 37:11, 29.

꞊Ii, kwa ꞊mɔɔn- -bha. -A -gɛn -yö ꞊va, ˈˈkɛɛ -a -gɛn ꞊plɛ -wɔn ˈgü:

• Kɔ ꞊mɔɔn ˈwɔn -bha -sü -yö -Zlan -gɔ kö -yö ö -wo ˈˈdhiʋ̈ ꞊mɔn ˈˈkwëë. Biblö ˈgü, Zoova -Zlan yö dosɛnŋ ˈnën ˈwo -dhɛ “ˈˈPiigbɩɩdhɛ ꞊va Dëmɛn,” ˈyö -tɔ ꞊dhɛ -a -bha ˈˈpiigbɩɩdhɛ -naan ˈyaa ˈdhö. (-Dhɛkpaɔ dhiaˈˈ ˈsëëdhɛ 15:3) -Dhɛ ˈö ˈˈdhʋ̈, -a -kɔ -yö ꞊mɔɔn- -bha kö pë ˈö- pö bhë, -ya kë kö kwa -bha ˈˈkpɔnŋtaadhɛ -yö kë -së. Biblö -ya -pö: ˈˈAtanna [-Zlan] -fiëbhawɔn ˈyaa ˈdhö.”—Matiö 19:26.

• -Zlan -ya ˈˈpiʋ̈ ꞊dedewo kö ˈö ö -wo yö ˈko ˈˈdhiʋ̈. -A ˈwɔn -zɔn ˈka ˈnën -tɔ ꞊dhɛ, -a -lele Zoova -ta kö mɛn -nu ˈö ꞊wa ga, kö -yö -an bho ga ˈgü.—Job 14:14, 15.

  Biblö -ya -zɔn ˈzü ꞊dhɛ, -Zlan Gbö Yesu -yö ˈˈyua -bo. -Mën ˈö -kë ˈö- -kë ˈˈdhʋ̈? -A -gɛn ˈtɔ ꞊dhɛ, -yo -kun -a -dhɛ -së. (Makö 1:40, 41) Mɛn -nu ˈö -an -bhawɔn -yö kun -takundhe -bha, -an -takun -sü ˈˈyi -yö -kan Yesu ˈˈdhi ꞊dhɛ ö Dë ˈdhö.—Zan 14:9.

  -Dhɛ ˈö ˈˈdhʋ̈, kwa zuʋ̈ˈˈ -yö kë -saa ꞊dhɛ, Zoova waa Yesu -wa ˈˈpiʋ̈ ˈwo kwa -takun kö kwa -bha -dhɛkpaɔ dhiaˈˈ -yö kë -së zuʋ̈gblüdhi ˈgü!—Psaume 72:12-14; 145:16; 2 Piɛdhö 3:9.