ˈWɔn ˈˈgbɩɩ˗ ꞊ya kë yi ꞊dhegblü ˗nu ˈka, ˗an ˗bha pë ˈgü ˗ya shiʋ̈ˈˈ, yi ˈdho yi ˈkwëëdhö ˈˈvaandhö kö ˈyi ˗an ˗takun. Pë ˈyi˗ kë bhë, ˗ya ˗zɔn ꞊dhɛ ˗dhɔkaadhe ꞊dede yi ꞊zinŋ ˈgü. (Zan 13:34, 35; 1 Zan 3:17, 18) Yi ˗an ˗takun ˗kɔ ˗kë ꞊dhɛ?

Yi ˈwëëga gbɔɔ ˗an ˗gɔ. ˗Dhɛ ˈö ˈˈvʋ̈ʋ̈ ˗yö ˗da Zude ˗sɛ ˈgü ˗kwɛ ˗blɛɛsü ˗naan ꞊taa, Kletiɛn ˗nu ˈwo kun Aŋtiɔsö ˗wo ˈwëëga ˗bɔ ˗an ꞊dhegblü ˗nu ˈwo kun Zude ˗an ˗dhɛ. (Këwɔn ˗nu 11:27-30) ꞊Dɛɛ ˈpö, ˈya˗ man ꞊dhɛ yi ꞊dhegblü ˈbhaa ˗nu ˗bhawɔn ˗yö ˗takundhe ˗bha ˈˈsɛ ˈˈpian ˈbha ˗nu ˈgü, yi bɔ ˗zlanwɔkɔdhi ˗ta ˈö ˈyi gbɔɔ kë ˗an ˗gɔ.—2 Kodhɛngtö 8:13-15.

Yi yi ˗de ˗baa kö ˈyi nu ˗an ˗dhɛ. ˗Dhɛ ˈö ˈwɔn ˈˈgbɩɩ˗ ˗yö ˗kë ˗a ˗bha, mɛn zii ˗nu ˈwo mü, ˗wo mɛn ˗nu ˈwo ˗an ˗bha ˗zlanwokɔdhi ˈgü ˗an mɛɛnˈˈ kö ꞊ya kë ꞊dhɛ pë ˈbha ˈyii ˗an kë, ˗wa ˈwɔn dɔ. ˗Numɛndhɛmɛn ˗nu ˗bha ˈwɔnyëë ˗wo mɛn ˗nu ˈö pë ˈˈdhiʋ̈ ˗yö ˗kë ˗an ˈka, ˗an ˈˈdhɛ ˗kë. ˗Wo bhöpë ˗nu ˗an ˗dhɛ, ˈwo ˈˈyi, sɔ waa wɔdhɛ ˗nu ˗nu ˗an ˗dhɛ. Zoova ˗bha ꞊Gbɛkiö ꞊vadhɛ ˈwo dɔ pë ˈbha kë ˗dhɛ ˈka ˗wo wo ˗dea ˈwëëga ˗sü kë ˈˈdhʋ̈ kö ˗wo yi ꞊dhegblü ˗nu ˈö ˗an ˗bha ˈkɔ ɛɛnˈˈ ˗an ˗bha ˗Bhɔkwëëkëgükɔ ˗nu ˗wa ˗wü, ˗an baaˈˈ. ˗Dhɛ ˈö kë ꞊dhɛ yi ˗wo ˗yö do, ˈö yi yö ˗kë yi ˈˈkwëë ˗shiöŋ ˗shiöŋ bhë, ˈwɔn ˈˈgbɩɩ˗ ˗nu ˗wa kë, yi ˈdho yi ˈˈkwëë ˈˈvaandhö. ˈKö kë ꞊dhɛ ˈwɔn së bhë, ˈyi˗ ˗kë “kwa dheebhang ˗nu ˈwo Yesu ˗bha ˈka bha ꞊në˗ ˗nu ˗dhɛ ˈkpiisü”, ˗a ˈˈsɩ ˗zë ˗ya kë yi ˗dhɛ, ˈyi˗ kë ˈpö mɛn ˈˈwɛɛ ˗nu ˗dhɛ.—Gadhatö 6:10.

Yi ˗an ꞊faan ˗mën ˗Zlan ˗Wo ˈka. Mɛn ˗nu ˈö ˈwɔn ˈˈgbɩɩ˗ ˗ya ˗kë ˗an ˈka, ˗an ˗bhawɔn ˗yö ˗zogbandhe ˗bha. ˗A ˈˈtʋ̈ŋ ˗nu bhë, ˗an ˈka, yi ꞊faan ꞊slɔɔ Zoova, “˗Zlan [...] ˈö mɛ ˗zʋ ˗gban ˗kɔ ꞊gban ˗kɔ ꞊gban ˈgü,” ˗a ˈˈpiʋ̈. (2 Kodhɛngtö 1:3, 4) Mɛn ˗nu ˈö ˗an ˈgü ˗ya ga, yi pë ˗nu ˈö ˗Zlan ˗ya ˈˈplüün bho Biblö ˈgü, ˗an ˗zɔn ˗an ˗dhɛ, ˈö ˈyi ˗a pö ˗an ˗dhɛ ꞊dhɛ ˗Zlan ˗bha ˗Gblüdëdhɛ ˗dho ˈwɔn yaa waa saanˈˈ ˈˈpɛpɛ ˈwo kë ˗ni ˈgü ˈˈkpɔnŋ ꞊taa yö bhë, ˗an bho ˈˈshia.—˗Dhɛkpaɔ dhiaˈˈ ˈsëëdhɛ 21:4.

• ˗Mën ˈö ˗kë ˈö ˈwɔn ˈˈgbɩɩ˗ ˗nu ꞊wa kë, ˈö Zoova ˗bha ꞊Gbɛkiö ˗nu ˈwo ˈdho wo ˈkwëëdhö ˈˈvaandhö?

• Kwa ꞊dhegblü ˗nu ˈö ˈwɔn ˈˈgbɩɩ˗ ˗nu ˗wo ˗kë ˗an ˈka bhë, ˈyi ˗an ˗zogban ˗kɔ ˗kë ꞊dhɛ?