“Kuung poɔ ihiyiibu daang na bibeng.”—A Bi-tunihi Tuma 24:15, Naangmini Yelihung Pegi’yiruu.

Kanyiri te naŋ na taa ka te neɛŋ wa kpi.​—2 Korinti 1:3, 4.

Te koŋ zoro kũũ dabeɛŋ.—Hiiburihi 2:15.

Te taa teɛretɔ ka te na leɛ nyɛ la te noba naŋ kpi.​—Joon 5:28, 29.

Yelmeŋa la, yɛlɛ ata ŋa zuiŋ:

• Naaŋmen la nyɔvoɛ zaa Daana. A Baabole yeli ka Jehoova Naaŋmen la “nyivori konbulee.” (Yieme 36:9; A Bi-tunihi Tuma 17:24, 25) Neɛ na naŋ maale bonvooraa zaa, na toɔ̃ lɛ seŋ la neɛ naŋ kpi, a lɛ ko o nyɔvore.

• Dasaŋ na, Naaŋmen da seŋ la noba mine naŋ da kpi. A Baabole yeli la noba banii mine naŋ da kpi, kyɛ baŋ seŋ ba yɛlɛ​—bibiiri, nembɛrɛ, dɔba, ane pɔgeba​—baŋ da leɛ iri voorɔ a teŋɛzu kyɛ. Bamine ba kpi kɔɔre kyɛ baŋ seŋ ba, kyɛ kaŋ soba yɛŋ, ba da uumu o la beri anaare!​—Joon 11:39-44.

• Naaŋmen e la siri ka o na seŋ la kũũni. Jehoova ba nuŋ kũũ yɛlɛ; o dɔndɔma la. (1 Korinti 15:26) Naaŋmen boɔraŋ ka o iri a dɔndɔma ŋa bare, O na de la a kũũ leɛ iribu ŋa iri neŋ kũũ bare. Bana ne zaa naŋ be Naaŋmen teɛroŋ poɔ na, o boɔraŋ ka o seŋ ba ka ba leɛ wa zeŋ a teŋɛzu kyɛ.​—Joob 14:14, 15.