“Fene hnengödrai asë a lapa fene la musi ne la atre ka ngazo.”—1 Ioane 5:19.

“Mama pi la Nekö i Akötresie, matre lep apatrene la itre huliwa i Diabolo.”—1 Ioane 3:8.

Kola qaja amamane la kepine matre traqa pi la itre jole kowe la fen.—Hna Amaman 12:12.

Kola thue mejiune së ka hape, troa ahnyipixene hmaca la fen.—1 Ioane 2:17.

Eje hi, hane hi la köni kepin:

• Ka tro ha patr la musi Satana. Ase hë amekötine hnei Iehova troa apatrene paluane la musi Satana. Hnei Nyidrëti hna thingehnaeane troa ‘apatrenyi . . . Diabolo,’ me nyinyine la nöjei ewekë hna angazon hnei Satana.—Heberu 2:14, Fene Ka Hnyipixe.

• Hnei Akötresieti hna ië Iesu Keriso troa musi kowe la fen. Isa pengöi Iesu catre memine la atre musi kowe la fene ka ngazo enehila, atre iakötrë, me ka tha imeku. Ame göne la hna nyijoxu hna troa cilëne hnei Iesu, hnei Akötresie hna thingehnaeane ka hape: “Tro nyidrëti a hnime la atre ka akötr me atre pë ewekë . . . Tro nyidrëti a amele angatre qa ngöne la hna qanangazone me isi.”—Salamo 72:13, 14, MN.

• Tha ka thoi kö Akötresie. Öni Tusi Hmitrötr, “Thatreine kö nyidrëti thoi.” (Heberu 6:18) Ame la Iehova a thingehnaeane la ketre ewekë, kösë ka eatre hë! (Isaia 55:10, 11) “Troa helëne trij la atre musinëne la fen.”—Ioane 12:31.