“Tro Akötesieti ne hnengödrai a axulune la kete baselaia ka tha tro kö a apaten’ epine palua.”—Daniela 2:44.

“Hna hamë shë la nekö trahmany, nge troa eje hune la lue hnaiape i nyidë la mus.”—Isaia 9:6.

• Tro sa isa öhnyi loi qa ngöne lai musi ka meköt.—Isaia 48:17, 18.

• Easenyi hë troa pexeje hmaca la atr, ngöne la fen ka hnyipixe, me mele madrin.—Hna Amaman 21:3, 4.

Eje hi, hane hi la lue kepin:

• Hnei Iesu hna amamane la hna troa kuca hnene la Baselaia i Akötresie. Hnei Iesu hna inine la itretre drei nyidrë troa thith, matre traqa la Baselaia i Akötresie, nge tro fe a eje la aja i Nyidrë e celë fen. (Mataio 6:9, 10) Hnei Iesu hna amamane la aqane troa sa elany la thithi cili.

  Ame lo Iesu e celë fen, hnei nyidrëti hna ithuane la itre ka mecijin, me aloine la itre ka wezipo, me amelene hmaca la itre ka mec! (Mataio 15:29-38; Ioane 11:38-44) Pine laka, Iesu la ka troa cilëne la Baselaia i Akötresie, hnei nyidrëti hna amamane la itre hna troa kuca elany hnene la Baselaia kowe la itre jini ne ej.—Hna Amaman 11:15.

• Mama hi enehila laka, easenyi hë troa traqa la Baselaia i Akötresie. Hnei Iesu hna qaja ka hape, qëmekene tro la Baselaia a traqa fë la tingetinge e celë fen, troa pane hetre isi, me jiin, me sa.—Mataio 24:3, 7.

  Celë hi lai hne së hna öhne enehila. Matre xecie koi së laka, tro kö la Baselaia i Akötresie a apatrene la itre jole cili.