“Nhialic de paannhial abï ciɛɛŋde [bäänyde] looi, ciɛɛŋ cïï bï thök athɛɛr [ku] acïï bï tiaam.”—Danyel 2:44, Jam De Nhialic.

‘Wok cï gäm mɛnhmoc! Ku yen abï ya bɛ̈nyda.’—Yithaya 9:6.

• Baibol ee jam akuma piɛɛth lacök nɔŋ kë bï kuɔ̈ny yïn ë pïïrdu yic.—Yithaya 48:17, 18.

• Ë piny piɛɛth bï bɛ̈n tueŋic, pïïr abï piath apɛi ku abï ciën tuɛnytuɛny ku kɔc abï ya rëër keke mitpuɔ̈th.—Nyuuth 21:3, 4.

Ee yic, alëuku buk gam ë wɛ̈t käŋ karou:

• Yecu ee cï kä bïï Bääny Nhialic ke looi nyuɔɔth. Yecu ee cï kɔcken ye buɔth cöök piɔ̈ɔ̈c bïk ya lɔ̈ŋ bï Bääny ë Nhialic bɛ̈n pinynɔm bï këden wïc ya looi pinynɔm cï män paannhial. (Mathayo 6:9, 10) Ee cïï Yecu nyuɔɔth ye këdï bïï Nhialic ë lɔ̈ŋ kënë dhuknɔm.

  Wään rëër Yecu pinynɔm, ee cä akut kɔc cääm, ku ee cï kɔc tuany kuɔny bïk dɛɛm, ku ee cï kɔc cï thou jɔt thuɔɔu yic bïk bɛn pïïr! (Mathayo 15:29-38; Jɔn 11:38-44). Keye Bɛ̈ny bï kuum ë Bääny ë Nhialic yic, Yecu ee cï käpiɛɛth bïï Bääny Nhialic ke looi nyuɔ̈th kɔc bï keek mac.—Nyuuth 11:15.

• Kä loi röt yeköölë pinynɔm, aa ye nyuɔɔth nɔn cïï Bääny ë Nhialic Thiɔ̈k bï bɛ̈n. Ee cïï Yecu lueel, të cïï Bääny ë Nhialic thiɔ̈k bï dɔ̈ɔ̈r bɛ̈i ë pinynɔm, kärɛc apɛi abï röt looi ye pinynɔmdan kënë yic, cït man, tɔŋtɔɔŋ, ku cɔk ku ayiɛ̈kyiɛ̈ɛ̈k ë piny.—Mathayo 24:3, 7.

  Ɣook aa kärɛc kä tïŋ ke loi röt yeköölë. Ka yen, alëuku buk gam piända ëbën nɔn nadɛ̈, ë dhaman thiɔ̈ɔ̈k bï bɛ̈n tueŋ, Nhialic abï kärɛc kä nyaai ë pinynɔm ëbën.