‘Pinynɔm ëbën atɔ̈u ë kërac ciin.’—1 Jɔn 5:19.

“Yen aa tulë Wën ë Nhialic, bï luɔi de jɔŋdït rac bɛ̈n riɔ̈ɔ̈k.”—1 Jɔn 3:8, Jam De Nhialic.

Baibol ee kärɛc loi röt ë pinynɔm ŋiɛc laariic ë kueer piɛth.—Nyuuth 12:12.

Baibol ee ɣo kuɔny buk gam nɔn bïï piny rot waar bï bɛn piath dhaman bï bɛ̈n tueŋ.—1 Jɔn 2:17.

Ee yic, alëuku buk gam ë wɛ̈t käŋ kadiäk:

• Kuum ë Jɔŋrac acï wïïk. Acïï Yekoba tääu ë yenɔm bï kuum ë Jɔŋrac nyaai ëbën bï liu. Acï thɔn nɔn bïï Yen “Jɔŋdït rac riɔ̈ɔ̈k’’ bï liu ku abï kä cïï Jɔŋdït rac ke riɔ̈ɔ̈k ëbën cɔ̈kpiny bïk piath.—Ɣeberuu 2:14, Jam De Nhialic.

• Nhialic acï Yecu kuany bï ya yen kum pinynɔm. Yecu ee bɛ̈ny piɛth ku acïï thöŋ kek Jɔŋdïït rɛɛc kum pinynɔm. Ë kuum ë Yecu yic, acïï Nhialic thɔn: ‘abï piɔ̈u kok kekë kɔc kɔ̈c ku kɔc kuanynyïïn, aabï keek luök në yaaŋ ë kɔc ë ke luɔ̈ɔ̈i kärɛc cin.’—Diɛt 72:13, 14.

• Nhialic acie tör ë lueth. Aye Baibol ŋiɛc lueel: ‘Nhialic acie tör ë lueth.’ (Ɣeberuu 6:18) Të cïï Yekoba ye thɔn bï nɔŋ kë looi, ka ye looi bï thöl! (Yithaya 55:10, 11) “Bɛ̈nydït [Jɔŋ rɛɛc mac] ë pinyë nɔm abï ciɛɛc biic.”—Jɔn 12:31.