‘Nhialic . . . abï pïïu ke kenyïïn weec ë kenyïïn kedhie, ku thuɔɔu acïï bï be tɔ̈u, ayï jiɛthëpiɔ̈u, ku dhiëëu, ku arɛɛm, acïkï bï bɛ tɔ̈u. Kä tueŋ acïk jäl ëliŋliŋ [ëbën].”—Nyuuth 21:3, 4, Jam De Nhialic.

Ba naŋ lon piɛɛth bï yïn miɛtpuɔ̈u ë pïïr bï bɛ̈n tueŋic.—Yithaya 65:21-23.

Abï ciën mɛɛm awu tuɛnytuɛny bï bɛ tɔ̈u ë pïïr bï bɛ̈n tueŋic.—Yithaya 25:8; 33:24.

Abï naŋ pïïr piɛɛth bïï kɔc ë baai ya rëër ë ke mitpuɔ̈th ke mäthken.—Diɛt 37:11, 29.

Ee yic, alëuku buk gam ë wɛ̈t käŋ karou:

• Nhialic anɔŋ riɛl bïï yen kä cï ke thɔn looi ëbën. Ë Baibolic, Yekoba yetök aye cɔɔl “Nhialic Awärjäŋ,” wɛ̈tŋö, anɔŋ riɛl dïït cïn ke thöŋ ke yen. (Nyuuth 15:3) Ka yen, alëu bï kä cï ke thɔn looi ëbën bïï yen pinynɔmdan kënë waar bï bɛ piath. Cït man ye Baibol ye lueel, “Nhialic ee käŋ lëu [ë luɔi] kedhie.”—Mathayo 19:26.

• Atɔ̈u ë Nhialic puɔ̈u bï kä cï ke thɔn tiɛŋ tëden. Cït man, Atɔ̈u Yekoba puɔ̈u bï kɔc cï thou jɔt ë thuɔɔu yic bïk bɛn pïïr—Jop 14:14, 15.

  Aye Baibol nyuɔɔth aya nɔn ë cïï Yecu, Wën Nhialic, kɔc cï tuany cɔl adem. Ku ye wɛ̈tŋö ë looi yen ë kënë? Ee wɛ̈t ë nhiɛɛr yen en bï kɔc kony. (Mak 1:40, 41) Yecu ee ye Wun kiɛ̈ɛ̈t ë wɛ̈t ë nhiɛɛr yen en bï kɔc mam kony..—Jɔn 14:9.

  Ka yen, alëuku buk gam ë piända ëbën nɔn bïï Yekoba ku Yecu ɣook kuɔny buk rëër ke ɣo mit puɔ̈th ë pïïr bï bɛ̈n tueŋic!—Diɛt 72:12-14; 145:16; 2 Petero 3:9.