„Gadu . . . o dee den wataa-ain fu den. Da dede, tyali, kee anga pen ná o de moo. Bika den fositen sani pasa gwe kaba.”​—Openbaring 21:3, 4, Nyun-Grontapuvertaling.

Yu o abi wooko di e gi piisii.​—Yesaya 65:21-23.

Nawan siki efu taa sowtu booko ede yu o abi moo.​—Yesaya 25:8; 33:24.

Wan switi libi fu tego makandii anga famii anga mati.​— Psalm 37:11, 29.

Iya, tu sani de di meke u sa biibi den:

• Gadu poi du den sani di a paamisi u. Bijbel e kai Yehofa „a Moo Hei Wan,” bika sama á de di makiti enke en (Openbaring 15:3). Dati wani taki neen wawan abi makiti sai fu seeka a goontapu ya enke fa a paamisi. A Beibel e taki, „sani á de di Gadu á poi du.”​—Mateyesi 19:26.

• Gadu e angii fu du den sani di a paamisi u. Wan fu den sani di ai „angii” fu du na fu weki den dedewan baka.​—Yopu 14:14, 15.

  A Beibel e soi wi tu taki a manpikin fu Gadu, Yesus, be e deesi siki sama. Fu saide? A fu di a be wani yeepi den (Malikisi 1:40, 41). Leti enke en Tata Yehofa, a so Yesesi seefi e angii fu yeepi den sama di de anga wan banowtu tu.​—Yohanisi 14:9.

  Neen ede meke u sa abi a fitoow taki Yehofa anga Yesesi wani yeepi u fu abi wan bun libi aini a ten di e kon!​—Psalm 72:12-14; 145:16; 2 Peitilisi 3:9.