Nja nu maneye̱ wase na mbale̱ e?
O mo̱nge̱le̱ ná . . .
-
Loba e?
-
mbel’a moto e?
-
ewekedi epe̱pe̱ e?
BIBE̱L E MAKWALA NÁ
“Ńabobe nde a maneye̱ wase ńe̱se̱.”—1 Yohane 5:19.
“Mun’a Loba a bīsabe̱ . . . ná a ńamse̱ bebolo ba Satan.”—1 Yohane 3:8, New Century Version (Betukwedi ba ńo̱ṅo̱n a Peńa).
NJE WENO̱ NÁ O TOMBWANE̱ KE̱ O DUBE̱ NIKA
Beteledi be te̱nge̱n ba ndutu ye o wase.—Bebīsedi 12:12.
Njo̱m o dube̱ ná wase e me̱nde̱ tukwa o mbad’a bwam.—1 Yohane 2:17.
JE NÁ DI DUBE̱ NJE BIBE̱L E MAKWALANO̱ NA MBALE̱ E?
E, ońola yin njo̱m ilalo:
-
Bianedi ba Satan be sambo. Yehova a no̱ngi bedomsedi o bo̱le̱ ngińa Satan a be̱nno̱ omo̱ń a mbel’a moto. A kakane̱ o “bo̱le̱ nu ńena nu be̱n ngiń’a kwedi diboma . . . Satan,” na bo̱le̱ pe̱ ndutu ye̱se̱ Satan a wanno̱.—Bonahebe̱r 2:14, Traduction du monde nouveau (Betukwedi ba Was’a Peńa).
-
Loba a po̱si Yesu Kristo ná aneye wase. Diwengisan dinde̱ne̱ le oteten a Yesu na mwaned’a wase ńa tatan ńe njo nu to̱ndi pe̱ nde mo̱me̱ne̱. Loba a bīse̱ ońola bianedi ba Yesu ná: “A me̱nde̱ bwea bayaṅabe̱ na basasabe̱ ndedi . . . A masunga babo̱ na mabandan na matusan.”—Myenge 72:13, 14.
-
Loba a titi ná a wo̱ndo̱. Bibe̱l e makwala ná: “Loba a titi ná a to̱po̱ lobango.” (Bonahebe̱r 6:18) Kwala na bola be nde Yehova lambo diwo̱! (Yesaya 55:10, 11) “Mwaned’a nin wase a me̱nde̱ pimbabe̱ wone̱.”—Yohane 12:31.
MUEDI OŃOLA DUTEA
Ne̱ni wase e me̱nde̱no̱ be̱ ke̱ mwaned’ao a másumwabe̱ e?
Bibe̱l e mabola jalabe̱ la mu muedi o MYENGE 37:10, 11 na BEBĪSEDI 21:3, 4.
We pe̠ ná o to̠ndo̠...
ESSENTIAL BIBLE TEACHINGS
Ońola nje Loba a mese̱le̱no̱ take e?
Bato jita ba mabaise̱ ońola nje wase e londino̱ na bosinga na take. Bibe̱l e mabola jalabe̱ di malo̱ke̱ na di mabwesane̱ muńe̱nge̱.
JOMBWEA BISO̱
Ońola nje jokwa Bibe̱l e?
Bibe̱l e mabola lodun la lokoli la bato malabe̱ ma mom ma myuedi ma longe̱ o wase ńe̱se̱. O to̱ndi be̱ mō̱ ńabu e?
