Ne̱ni o me̱ne̱no̱ Bibe̱l e?
We ná o kwala ná ńe nde . . .
-
kalat’a mabie̱ ma bato e?
-
kalat’a minia na myango e?
-
Eyal’a Loba e?
BIBE̱L E MAKWALA NÁ
“Betiledi be̱se̱ be wu nde na Loba.”—2 Timoteo 3:16, Traduction du monde nouveau (Betukwedi ba Was’a Peńa).
NJE WENO̱ NÁ O TOMBWANE̱ KE̱ O DUBE̱ NIKA
Malabe̱ ma myuedi má mweńa má longe̱ mena má mabwesane̱ muńe̱nge̱.—Minia 2:1-5.
Bediedi ba mbaki ońola longe̱ la buńa te̱.—Myenge 119:105.
Dipita di bam ońola kie̱le̱ ni maye̱.—Roma 15:4.
JE NÁ DI DUBE̱ NJE BIBE̱L E MAKWALANO̱ NA MBALE̱ E?
E, ońola yin njo̱m ilalo:
-
Mulatako ma betańsedi. Bibe̱l e tilabe̱ na lambo ka 40 ma bato o pambo a ponda ńa 1600 ba mbu. Dongo dinde̱ne̱ la ba bato di se̱ne̱ne̱ to̱ buńa. To̱ na nika, mom ma tema mō̱ nde mu lati kalat’ao ye̱se̱!
-
Myango me mbale̱. Balangwe̱ myango ba ko̱lo̱ngo̱ne̱ kudumane̱ bukea la bato babu. Nde o diwengisan, batiledi ba Bibe̱l ba lango mawuse̱ mabu na ma matumba mabu.—2 Myango 36:15, 16; Myenge 51:1-4.
-
Bedinge̱ be mbaki. Bibe̱l e se̱le̱ bīse̱ bulabe̱le̱ la mundi ma Babilon ńa kwaṅ lambo ka 200 ba mbu oboso ba ponda. (Yesaya 13:17-22) E si boli bukate̱ beteledi ba mbadi Babilon e tano̱ ńangame̱ne̱ ko̱ nde e bīse̱ pe̱ na dina la mubuked’ao!—Yesaya 45:1-3.
Jita la bedinge̱ ba Bibe̱l bepe̱pe̱ be londi nate̱na o mambo ma sadi diwo̱-diwo̱. Seto̱ nika nde di mengane̱no̱ Eyal’a Loba e?—2 Petro 1:21.
MUEDI OŃOLA DUTEA
Ne̱ni Eyal’a Loba yeno̱ ná e pongulane̱ longe̱ lo̱ngo̱ e?
Bibe̱l e mabola jalabe̱ la mu muedi o YESAYA 48:17, 18 na 2 TIMOTEO 3:16, 17.
We pe̠ ná o to̠ndo̠...
ESSENTIAL BIBLE TEACHINGS
Ne̱ni jeno̱ ná di be̱ mbaki ná Bibe̱l ńe mbale̱ e?
Yete̱na Bibe̱l e wu nde na Loba, ńangame̱n so̱ be̱ diwengisan na yine̱ kalati ye̱se̱.
JOMBWEA BISO̱
Ońola nje jokwa Bibe̱l e?
Bibe̱l e mabola lodun la lokoli la bato malabe̱ ma mom ma myuedi ma longe̱ o wase ńe̱se̱. O to̱ndi be̱ mō̱ ńabu e?
