Jɔn tigitigi lo be duniɲa nin marala?
E ka miiriya la . . .
-
Ala lo wa?
-
adamadenw lo wa?
-
wala mɔgɔ wɛrɛ lo?
BIBULU B’A FƆ KO:
“Diɲɛ . . . bɛɛ be Sutana sago kɔrɔ.”—1 Zan 5:19, Ala ka kuma, ABBF.
“Ala Dencɛ nana, waasa ka Sutana ka kɛwaliw cɛn.”—1 Zan 3:8.
I BE SE KA NAFA MIN SƆRƆ O LA:
An b’a faamu fɛɛn min kama gwɛlɛyaw be duniɲa kɔnɔ.—Yirali 12:12.
O be jigiya di an ma ko duniɲa nin cogoya bena fisaya.—1 Zan 2:17.
BIBULU BE MIN FƆ, AN BE SE KA LA O LA SƆBƐ LA WA?
An be se ka la o la kuun saba ɲɔgɔn kama:
-
Sutana ka kuntigiya tɛna sanga sɔrɔ abada. Jehova y’a latigɛ ka Sutana ka kuntigiya ban adamadenw kun na. A ye layidu ta ko a bena “Sutana ka koo nagasi.” O cogo la, Sutana ye tiɲɛni minw kɛ, Ala bena u bɛɛ lalaga.—Eburuw 2:14.
-
Ala ye Yezu Krista sugandi ko a ka duniɲa mara. Yezu ni bi duniɲa nin kuntigi tɛ kelen ye fewu, sabu duniɲa nin kuntigi ka fari ani a b’a yɛrɛ lo sago kɛra. Ala ye layidu ta Yezu ka kuntigiya koo la ko: “A bena makari barikatan na, ani fantan . . . A bena u tanga benkannikɛlaw, ni mɔgɔ farimanw ma.”—Zaburuw 72:13, 14.
-
Ala tɛ nkalon tigɛ. Bibulu b’a fɔ ka gwɛ ko: “Ala te se ka galon tigɛ.” (Eburuw 6:18). Ni Jehova y’a daa di ko a bena koo dɔ kɛ, ale fɛ o koo kɛra ka ban! (Ezayi 55:10, 11). “Diɲɛ nin kuntigi bena gwɛn ka bila kɛnɛma.”—Zan 12:31.
MIIRI K’A FILƐ:
Duniɲa nin bena kɛ cogo di n’a kuntigi gwɛnna ka bɔ yen?
O ɲiningali ka jaabili be sɔrɔ Bibulu kɔnɔ: ZABURUW 37:10, 11 ani YIRALI 21:3, 4.
Découvrez aussi…
BIBULU KA KALAN JƆNJƆNW
Mun na Ala b’a to tɔɔrɔkow ka kɛ?
Mɔgɔ caaman b’u yɛrɛ ɲininga mun na dusukasi ni tɔɔrɔ fanin lo ten duniɲa kɔnɔ. Bibulu be jaabili ɲumanw di o koo la, minw b’an dusu saalo.
ƝININGALI DƆW KA JAABILI BIBULU KOO LA
Sutana be yen tiɲɛn tiɲɛn na wa?
Yala Sutana ye kojugukɛ nege ye min be adamadenw kɔnɔ wa? Wala a be yen tiɲɛn tiɲɛn na?
AN YE JƆN LO YE?
Mun na i ka ɲi ka bibulukalan kɛ?
Ɲiningali jɔnjɔn minw ɲɛsinna an ka ɲɛnamaya koo ma, Bibulu be mɔgɔ miliyɔn caaman dɛmɛna duniɲa kuru bɛɛ kɔnɔ k’u jaabiliw sɔrɔ. A bena diya i ye ka kɛ olu dɔ ye wa?
AN YE JƆN LO YE?
A ɲini Jehova Seerew fɛ u ka na bɔ i ye
A ɲini Jehova Seerew fɛ u ka na baro kɛ n’i ye Bibulu koo la wala ka bibulukalan kɛcogo yira i la gwansan.
