Ele fɛ, an ka siniɲasigi bena kɛ cogo di?
Duniɲa nin bena . . .
-
to ten?
-
a bena juguya?
-
wala a bena fisaya?
BIBULU B’A FƆ KO:
“Ala . . . bena u ɲaji bɛɛ cɛ. Saya kɔni, o te yen tugu. Mɔgɔ tena sa, mɔgɔ tena kasi, mɔgɔ tena tɔɔrɔ tugu. Bari, diɲɛkura lo, kɔrɔman n’a kɔnɔnafɛnw bɛɛ tununa bugubugu.”—Yirali 21:3, 4, Ala ka kuma, ABBF.
I BE SE KA NAFA MIN SƆRƆ O LA:
Baara ɲuman, o min bena i wasa.—Ezayi 65:21-23.
Bana ni tɔɔrɔ si tɛna kɛ tugun.—Ezayi 25:8; 33:24.
I bena se ka ɲɛnamaya kɛ hɛɛrɛ la n’i somɔgɔw n’i teriw ye fɔɔ abada.—Zaburuw [Dɔnkiliw Ala ye] 37:11, 29.
BIBULU BE MIN FƆ, AN BE SE KA LA O LA SƆBƐ LA WA?
An be se ka la o la kuun fila ɲɔgɔn kama:
-
See be Ala ye k’a ka layidu dafa. Bibulu kɔnɔ, Jehova Ala kelenpe lo weelela ko “Sebaayabɛɛtigi.” O kɔrɔ ko daan tɛ a ka sebagaya la ( Yirali 15:3, Bible Senuma, ABM ). O la, a ye layidu min ta ko a bena duniɲa nin cogoya fisaya, a bena o dafa. Bibulu yɛrɛ b’a fɔ ko: “Ala be se koo bɛɛ la.”—Matiyo 19:26.
-
A nege be Ala la k’a ka layidu dafa. Ɲɛyirali fɛ, mɔgɔ minw sara olu “yeko nigɛ” be Jehova la. A b’a fɛ k’u lakunu ka bɔ suuw cɛma.—Zɔbu 14:14, 15.
Bibulu b’a fɔ fana ko Ala Dencɛ Yezu ye banabagatɔw kɛnɛya. Mun kosɔn a y’o kɛ? A tun ka di a ye k’o kɛ (Mariki 1:40, 41). I n’a fɔ a Faa Jehova, a nege tun be Yezu la ka dɛsɛbagatɔw dɛmɛ.—Zan 14:9.
O lo kama, an lanin b’a la ko Jehova ni Yezu b’a fɛ an ka siniɲasigi hɛɛrɛman sɔrɔ.—Zaburuw 72:12-14; 145:16; 2 Piyɛri 3:9.
MIIRI K’A FILƐ:
Cogo di Ala bena duniɲa nin cogoya fisaya?
O ɲiningali ka jaabili be sɔrɔ Bibulu kɔnɔ: MATIYO 6:9, 10 ani DANIYƐLI 2:44.
Découvrez aussi…
BIBULU KA KALAN JƆNJƆNW
Ala ka Masaya ye mun lo ye?
Yezu ka cidenyabaara la, a ye mɔgɔw kalan Ala ka Masaya koo la ka tɛmɛ barokun tɔɔw bɛɛ kan. Kabi saan caaman, a ka kalandenw ye delili kɛ k’o Masaya ka na.
AN YE JƆN LO YE?
A ɲini Jehova Seerew fɛ u ka na bɔ i ye
A ɲini Jehova Seerew fɛ u ka na baro kɛ n’i ye Bibulu koo la wala ka bibulukalan kɛcogo yira i la gwansan.
