Suuw be se ka kunu tiɲɛn tiɲɛn na wa?
Ele fɛ . . .
-
u be se ka kunu
-
u tɛ se ka kunu
-
n’a sɔrɔ u be se ka kunu
BIBULU B’A FƆ KO:
“Suw na kunun.”—Kɛwaliw 24:15, Bible Senuma, ABM.
I BE SE KA NAFA MIN SƆRƆ O LA:
O b’i dusu saalo n’i ka mɔgɔ sɔbɛ dɔ sara.—2 Korɛntikaw 1:3, 4.
O b’a to i tɛ siran kojugu saya ɲɛ.—Eburuw 2:15.
O be jigiya sɔbɛ di i ma ko i ka mɔgɔ sɔbɛ minw sara, u bena kunu.—Zan 5:28, 29.
BIBULU BE MIN FƆ, AN BE SE KA LA O LA SƆBƐ LA WA?
An be se ka la o la koo saba ɲɔgɔn kama:
-
Ala lo ye niin dibaga ye. Bibulu b’a fɔ ko “mɔgɔ be nii na [Jehova Ala] le sababu la.” (Zaburuw 36:10; Kɛwaliw 17:24, 25, Ala ka kuma, ABBF ). Komi Ala lo ye niin Dibaga ye, see b’a ye ka mɔgɔ saninw lakunu.
-
Galen, Ala ye suu dɔw lakunu. Bibulu b’a fɔ ko mɔgɔ seegi suu kununa ka ɲɛnamaya kɛ tugun dugukolo kan: denmisɛn, mɔgɔkɔrɔba, cɛɛ ni muso fara ɲɔgɔn kan. U dɔw tun sara a ma mɛɛn, nka u la kelen ye tile naani bɛɛ kɛ kaburu kɔnɔ!—Zan 11:39-44.
-
Ala kɔrɔtɔnin lo ka suuw lakunu tugun. Adamadenw saya koo man di Ala ye fewu. A be saya jati an jugu lo ye (1 Korɛntikaw 15:26). A “nigɛ” be Ala la ka saya ban ani ka suuw lakunu. Ala hakili be mɔgɔ sanin minw na, a kɔrɔtɔnin lo k’olu lakunu walisa u ka ɲɛnamaya kɛ dugukolo kan kokura.—Zɔbu 14:14, 15.
MIIRI K’A FILƐ:
Mun na mɔgɔ be kɔrɔ ani ka sa?
O ɲiningali ka jaabili be sɔrɔ Bibulu kɔnɔ: ZƐNƐZI 3:17-19 ani ƆRƆMUKAW 5:12.
Découvrez aussi…
BIBULU KA KALAN JƆNJƆNW
Mɔgɔ saninw cogoya be di?
Bibulu kɔnɔ, Ala y’a daa di ko wagati dɔ bena se mɔgɔ caaman bena kunu ka bɔ saya la i ko Lazari suu kununa cogo min na.
AN YE JƆN LO YE?
Mun na i ka ɲi ka bibulukalan kɛ?
Ɲiningali jɔnjɔn minw ɲɛsinna an ka ɲɛnamaya koo ma, Bibulu be mɔgɔ miliyɔn caaman dɛmɛna duniɲa kuru bɛɛ kɔnɔ k’u jaabiliw sɔrɔ. A bena diya i ye ka kɛ olu dɔ ye wa?
