2 Ndidem 7;1-20
7 Ndien Elisha ọdọhọ ete: “Mbufo ẹkop uyo Jehovah.+ Ntem ke Jehovah ọdọhọ, ‘N̄kpọn̄ adan̄aemi ke inuaotop Samaria, udomo seah eti ndomuyo kiet edikpa shekel kiet, ndien udomo seah barley iba edikpa shekel kiet.’”+
2 Ndien udiana etubom ekọn̄ oro edidem eberede+ enye ke ubọk ọbọrọ owo ata Abasi ete: “Idem ọkpọkọm Jehovah eberede window heaven,+ nte n̄kpọ emi ekeme nditịbe?”+ Ntem enye ọbọrọ ete: “Sese, afo ọmọn̄ ada enyịn+ fo okụt n̄kpọ emi, edi afo ududiaha.”+
3 Ndien irenowo inan̄ emi ẹkedide mbon akpamfia ẹma ẹdu, emi ẹkesitiede ke nto-ndụk inuaotop;+ ndien mmọ ẹdọhọ kiet eken ẹte: “Ntak emi nnyịn iyomde nditie mi n̄kpan̄a?
4 Edieke nnyịn idọhọde, ‘Yak idụk obio,’ ke ini emi akan̄ odude ke obio, nnyịn iyakpan̄a do.+ Ndien edieke nnyịn itiede mi, nnyịn iyosụk ikpan̄a. Mmọdo ẹdi nnyịn idụk itienna mbon Syria. Edieke mmọ ẹnịmde nnyịn uwem, nnyịn iyodu; edi edieke mmọ ẹnyụn̄ ẹwotde nnyịn, yak nnyịn ikpan̄a.”+
5 Ntre mmọ ẹdaha ẹda ke mfụn̄mfụn̄ mbubreyo ẹdụk itienna mbon Syria; ndien mmọ ẹsan̄a tutu ẹdisịm edem itienna mbon Syria, ndien, sese! baba owo kiet idụhe do.
6 Ndien Jehovah anam mbonekọn̄ Syria ẹkop+ uyom chariot ekọn̄, uyom enan̄-mbakara, uyom akwa udịmekọn̄,+ ntre mmọ ẹdọhọ kiet eken ẹte: “Sese! Edidem Israel emekpe ndidem Hittite+ ye ndidem Egypt+ ẹte ẹdin̄wana ye nnyịn!”
7 Ke ndondo oro mmọ ẹdaha ke enyọn̄ ẹfen̄e ke mfụn̄mfụn̄ mbubreyo+ oro ẹkpọn̄ mme tent mmọ ye mme enan̄-mbakara+ mmọ ye mme ass mmọ—ẹkpọn̄ itienna ntre—ẹnyụn̄ ẹfen̄e man ẹnyan̄a ukpọn̄+ mmọ.
8 Ke ini mbon akpamfia emi ẹdide ẹdisịm edem itienna emi, mmọ ẹdụk tent kiet ẹkedia n̄kpọ ẹnyụn̄ ẹn̄wọn̄ n̄kpọ ndien ẹtan̄ silver ye gold ye ọfọn̄ ẹka ẹkedịp. Ekem mmọ ẹfiak ẹdi ẹdidụk tent efen ẹnyụn̄ ẹtan̄ n̄kpọ do ẹka ẹkedịp.+
9 Ekem mmọ ẹdọhọ kiet eken ẹte: “Se nnyịn inamde emi ifọnke. Mfịn emi edi usen eti mbụk!+ Edieke nnyịn imen̄ede, inyụn̄ ibetde tutu eyo esiere, nnyịn iyenyene ubiomikpe.+ Mmọdo, ke emi, ẹdi nnyịn ika ufọk edidem ikọtọt n̄kpọ emi.”
10 Ntre mmọ ẹdi ẹdikot mme ekpeme-inuaotop+ obio ẹnyụn̄ ẹtọt mmọ ẹte: “Nnyịn ikodụk itienna mbon Syria, ndien, sese! nnyịn ikwe owo baba kiet inyụn̄ ikopke uyom mmọ, ibọhọke mme enan̄-mbakara ye mme ass emi ẹyịride, mmọ ẹnyụn̄ ẹkpọn̄ mme tent ntre.”+
11 Mme ekpeme-inuaotop ẹsọsọp ẹkot mme owo ndien mmọ ẹmen n̄kpọ emi ẹketọt ke esịtufọk edidem.
12 Inikiet inikiet edidem adaha ke okoneyo ọkọdọhọ mme asan̄autom esie+ ete: “Mbọk, yak nsian mbufo se mbon Syria ẹnamde nnyịn.+ Mmọ ẹtịm ẹfiọk ẹte ke biọn̄ ọdọn̄ nnyịn;+ ndien mmọ ẹwọn̄ọ ke itienna ẹka ẹkedịbe ke ikọt,+ ẹnyụn̄ ẹdọhọ ẹte, ‘Mmọ ẹyeto ke obio ẹwọn̄ọ ẹdi, ndien nnyịn iyomụm mmọ ye uwem, iyonyụn̄ idụk obio.’”
13 Ndien kiet ke otu mme asan̄autom esie ọbọrọ enye ete: “Mbọk, yak mmọ ẹda enan̄-mbakara ition ke otu enan̄-mbakara emi ẹsụhọde ke obio.+ Sese! Mmọ ẹtie ukem nte ofụri otu Israel oro ẹsụhọde ke obio. Sese! Mmọ ẹnyụn̄ ẹtie ukem nte ofụri otu Israel oro ẹtakde.+ Ndien ẹyak nnyịn isio mmọ idọn̄ ise.”
14 Ndien mmọ ẹda chariot iba ye mme enan̄-mbakara, edidem onyụn̄ osio mmọ ọdọn̄ ẹka ke itienna mbon Syria, ete: “Ẹka ẹkese.”
15 Ndien mmọ ẹtiene mmọ ẹkesịm Jordan; ndien, sese! usụn̄ ọyọhọ ye ọfọn̄ ye n̄kpoduoho+ emi mbon Syria ẹketomode ẹduọn̄ọ ke ini mmọ ẹfen̄ede.+ Ekem mme isụn̄utom oro ẹnyọn̄ ẹdi ẹnyụn̄ ẹditịn̄ ẹnọ edidem.
16 Ndien mmọ ẹwọn̄ọ ẹdibụme+ itienna mbon Syria; ndien udomo seah eti ndomuyo kiet akpa shekel kiet, udomo seah barley iba onyụn̄ akpa shekel kiet, kpa nte Jehovah ọkọdọhọde.+
17 Ndien edidem emek udiana etubom ekọn̄ emi enye esiberede+ ke ubọk esie ete ese aban̄a inuaotop; ndien mme owo ẹdịghi+ enye ke ikpat ke inuaotop tutu enye akpa, kpa nte owo ata Abasi oro ọkọdọhọde,+ ke ini emi enye eketịn̄de ikọ ke ini edidem okosụhọrede etiene enye.
18 Ndien etịbe kpa nte owo ata Abasi eketịn̄de ọnọ edidem ete: “N̄kpọn̄ adan̄aemi ke inuaotop Samaria, udomo seah barley iba edikpa shekel kiet ndien udomo seah eti ndomuyo kiet edikpa shekel kiet.”+
19 Edi udiana etubom ekọn̄ oro ọbọrọ owo ata Abasi ete: “Idem ọkpọkọm Jehovah eberede window heaven, nte ikọ esie ekeme ndisu?”+ Ntem enye ọbọrọ ete: “Sese, afo ọmọn̄ ada enyịn fo okụt n̄kpọ emi, edi afo ududiaha.”+
20 Ntem ke eketịbe ọnọ enye,+ mme owo ẹdịghi+ enye ke ikpat ke inuaotop tutu enye akpa.
