Ezra 5;1-17
5 Ndien prọfet Haggai+ ye prọfet Zechariah+ eyeyen Iddo+ ẹtịn̄ ntịn̄nnịm ikọ ẹnọ mme Jew emi ẹdude ke Judah ye ke Jerusalem, ke enyịn̄+ Abasi Israel emi odude ye mmọ.+
2 Ini oro ke Zerubbabel+ eyen Shealtiel+ ye Jeshua+ eyen Jehozadak ẹkedaha ẹda ẹtọn̄ọ ndifiak mbọp ufọk Abasi, emi odude ke Jerusalem; mme prọfet+ Abasi ẹdu ye mmọ ẹnyụn̄ ẹn̄wam mmọ.
3 Adan̄aoro ke Tattenai+ andikara edem Akpa+ oko ye Shethar-bozenai ye mme nsan̄a mmọ ẹkedi ẹbịne mmọ, ẹdibụp mmọ ẹte: “Anie okowụk mbufo ete ẹbọp ufọk emi ẹnyụn̄ ẹnam ndori+ emi?”
4 Ekem mmọ ẹbụp mmọ ẹte: “Irenowo oro ẹbọpde ufọk emi ẹkere didie?”
5 Ndien enyịn̄+ Abasi mmọ odu+ ye mbiowo mme Jew, mmọ inyụn̄ itreke utom emi tutu etop emi ekesịm Darius, ẹnyụn̄ ẹwet leta ẹban̄a n̄kpọ emi ẹnọ afiak edi.
6 Leta+ emi ke Tattenai+ andikara edem Akpa oko ye Shethar-bozenai+ ye mme nsan̄a+ esie, n̄kpri mme andikara edem Akpa+ oko, ẹkenọ ẹsọk Edidem Darius;
7 mmọ ẹnọ etop emi ẹsọk enye ẹnyụn̄ ẹwet enye ntem:
“Ẹnọ ẹsọk Edidem Darius:
“Afo akpakam enyene emem!+
8 Yak edidem ọfiọk ete ke nnyịn ima ika ufọk akwa Abasi+ ke ikpehe obio ukara+ Judah, ndien ke ẹwere ikpọ itiat ẹda ẹbọp ufọk emi, ke ẹnyụn̄ ẹdọn̄ eto ke ibibene; mmọ ke ẹnyụn̄ ẹsịn idem ẹnam utom ẹnyụn̄ ẹsọp ubọk.
9 Ndien nnyịn ima ibụp mbiowo emi mbụme. Se ikobụpde mmọ edi emi: ‘Anie okowụk mbufo ete ẹbọp ufọk emi ẹnyụn̄ ẹnam ndori+ emi?’
10 Nnyịn ima inyụn̄ ibụp mmọ enyịn̄ mmọ, man ikpanam fi ọfiọk, man ikpewet enyịn̄ irenowo emi ẹdide mme etubom mmọ.+
11 “Ndien mmọ ẹkebọrọ nnyịn ntem ẹte: ‘Nnyịn idi mme asan̄autom Abasi enyọn̄ ye isọn̄,+ inyụn̄ ifiak ibọp ufọk emi ẹma ẹkebọbọp ke ediwak isua emi ẹkebede, emi akwa edidem Israel ọkọbọpde ama.+
12 Ndien sia mme ete nnyịn ẹkeyatde+ Abasi enyọn̄ esịt, enye ama ayak+ mmọ esịn ke ubọk Nebuchadnezzar+ edidem Babylon, kpa owo Chaldea,+ ndien enye owụri ufọk+ emi onyụn̄ atan̄ mbio obio aka ntan̄mfep ke Babylon.+
13 Edi, ke akpa isua Cyrus+ edidem Babylon, Cyrus edidem ọnọ ewụhọ ete ẹfiak ẹbọp ufọk Abasi emi.+
14 Ndien n̄ko n̄kpoduoho+ gold ye silver ufọk Abasi oro Nebuchadnezzar okosion̄ode ke temple, emi odude ke Jerusalem, okonyụn̄ atan̄de edi temple Babylon,+ Edidem+ Cyrus osion̄o mme n̄kpọ emi ke temple Babylon, onyụn̄ ọkpọn̄ mmọ ọnọ Sheshbazzar,+ kpa owo emi enye akanamde edi andikara.+
15 Enye onyụn̄ ọdọhọ enye ete: “Tan̄ n̄kpoduoho+ emi. Ka kobon mmọ ke temple emi odude ke Jerusalem, ndien yak ẹfiak ẹbọp ufọk Abasi oro ke itie esie.”+
16 Ke ini Sheshbazzar edide edisịm, enye esịn itiat idakisọn̄ ufọk Abasi,+ emi odude ke Jerusalem; ndien ọtọn̄ọde ke ini oro tutu esịm emi ke ẹbọbọp enye edi owo ikụreke.’+
17 “Ndien, ke emi, edieke ọfọnde edidem, yak ẹnam ndụn̄ọde+ ke ufọk ubon inyene edidem emi odude do ke Babylon, m̀mê edi ntre nte ke Edidem Cyrus ama ọnọ ewụhọ+ ete ẹfiak ẹbọp ufọk Abasi ke Jerusalem; ndien yak edidem ọdọn̄ ẹdisian nnyịn se enye ebierede ke n̄kpọ emi.”
