Bible idọhọke ke owo kiet kiet enyene san̄asan̄a angel emi esikpemede enye. Imọdiọn̄ọ ke Jesus ọkọdọhọ ete: “Ẹkụt ẹte mbufo isịnke kiet ke otu n̄kpri owo emi [mbet Christ] ke ndek; koro ndọhọ mbufo nte mme angel mmọ ke heaven ẹsikụt iso Ete mi emi odude ke heaven kpukpru ini.” (Matthew 18:10) Edi ikọ Jesus ikọwọrọke ke owo kiet kiet enyene angel emi esikpemede enye. Ikọ esie ọkọwọrọ ke mme angel ẹkere ẹban̄a kpukpru mbet Jesus ẹnyụn̄ ẹyom ndin̄wam mmọ owo kiet kiet. Ntak edi oro ata mme Christian mîsikoho-koi inam n̄kpọ emi ekemede ndinọ mmọ unan nnyụn̄ n̄kere ke angel Abasi eyekpeme mmimọ.

Ndi oro ọwọrọ ke mme angel isin̄wamke mme owo? Ihih. (Psalm 91:11) Ndusụk owo ẹnịm ke Abasi ama anam angel esie ekpeme mmimọ onyụn̄ eteme mmimọ se ikpanamde. Kenneth oro iketịn̄de iban̄a ke akpa ibuotikọ magazine emi enịm ke Abasi akada angel esie eteme imọ se ikpanamde. Ekeme ndidi se enye etịn̄de oro edi akpanikọ. Mme Ntiense Jehovah ẹsikụt mme n̄kpọ emi anamde mmọ ẹnịm ke angel ẹsin̄wam mmimọ ke ini ikwọrọde ikọ. Edi sia mme angel ẹdide spirit, nnyịn inen̄ekede idiọn̄ọ kpukpru n̄kpọ emi Abasi esidọn̄de mmọ ẹnam ẹnọ mme owo. Kpa ye oro, ọfọn isikọm Abasi ini ekededi oro enye an̄wamde nnyịn.​—Colossae 3:15; James 1:​17, 18.